Are taqim k’ut utoq’ixik katzukuxik ri taq ala, taq ali, e k’ajolab’ xuquje’ ixoqib’ che ri k’o kitzijol e sachinaq ri’, rumal ri’ we kamik eri Ministro rech Gobernación, Gendri Reyes, xsik’ixik pa le Comisión rech Derechos Humanos rech ri Congreso rech ri Amaq’il, chi’ k’u ri’ xkoj wi jun b’anoj chomanem ri’ rech katoq’ixik katzukuxik ri e ak’alab’ e sachinaq ruk’ kitob’anik ri empresas telefónicas.
“Kojtajin che utunik qachuq’ab’ rech kaqawok ri b’anoj chakune kuk’ konojel ri wokajilal ri’, pa le usub’axik ri Ley Alba Kenneth xuquje’ rumal ri Ministerio rech Gobernación k’o ch’ob’otal chak karaj kakojik rech utz ub’anik kichak ri e ajchajil tinamit ri’”, xcha’ ri Reyes.
Xuquje’, pa taq le xutaq ub’ixik ri’ are rech kiriqitaj kich’a’wib’alil ri tat nan, xcha’ ri Reyes, rumal ri’ are k’o nim upatanib’al ri kitob’anik ri ajq’atol tzij xuquje’ ri telefonía pa aninaqil ri’.
Eri ajchakunel rech Alba Kenneth e Isabel Claudina, xuya’ ub’ixik che ri kitob’anik ri telefonías ri’ are qas k’o nim upatanib’al rech keriqitaj koq ri taq ala, taq ali, e k’ajolab’ xuquje’ ixoqib’ che ri k’o kitzijol e sachinaq.
Eri ch’ob’otal chak ri’ are utaqim ke’utzukuj ri empresas rech telefonía rech kakijipij ya’b’al utzijoxik ri’ pa ronojel taq ri ch’a’wib’alil pa tzijolinem ri’ rech pa aninaqil sib’alaj ketzukuxik ri ixoqib’ xuquje’ ri ak’alab’ e sachinaq ri’.
Pa le riqb’al ri’, are jun xtatab’enik ri K’amal b’e rech ri Wokajil Ajchajil Tinamit (PNC) José Antonio Tzuban, Nery Benito, subdirector rech Investigación Criminal, ri Subdirector rech Q’atel k’ax, Héctor Hernández xuquje’ ri k’amal b’e rech JEPEDI, jeri’ ri ajchoq’e rech ri empresa TIGO xuquje’ ri Ministerio Público ri’.