Pa uterenb’exik ri Ukaj Ub’enam ri K’amal b’e Amaq’ pa le Casa Aparicio, Xe’laju’, eri Ministro rech Gobernación rech Gobernación, Gendri Reyes, xuya’ ub’ixik ri chajinem winaqil xb’antaj ri’, rech ya’el uchuq’ab’ ri chajinem winaqil xuquje’ ri chomanem kuk’ ri winaqilal rech kab’an ri utzilem pa le rulewal tinamit ri’.
Pa Xe’laju’ e k’o wuqub’ chi k’olib’al chajin tinamit, 30 chi subestaciones ri’ e 1 mil 327 chi reqa’lenelab’ ri Wokajil Ajchajil Tinamit (PNC), ri k’o k’i tzukunem b’anom chi’ kumal reqa’lenel ri Subdirección General rech Investigación Criminal, ri xub’an ri’ rech xeq’atexik e 3 mil 134 chi winaqil ri’, 35 chi ch’ich’ xeriqitaj loq, 76 chi k’aqb’alil xuquje’ 24 chi kejach’ich’ xeriqitaj ri’.
Pa le b’anoj q’atenik k’ax ri’, eri taqawokajnel ri’ sib’alaj xpixb’an chi ke ri e ajkalte’ib’ rech kakiterenb’ej kakitunu kib’ ruk’ ri 22 chi Comisiones Municipales rech Q’atel k’ax, ruk’ ri 103 chi Comisiones Comunitarias rech Q’atel k’ax xuquje’ ruk’ ri 15 chi Chomab’al rech Taq Tinamit ri’. Eri programa rech “Policía tu Amigo” are ub’anom utzilem chi ke e 1 mil 410 chi taq ala, taq ali xuquje’ e q’apojil ri’.
Eri Taqawokajnel Gendri Reyes, sib’alaj xujaq uwach ri Estación Concentrada 41-6, are ri Centro rech Operaciones Policiales (COP) pa Coatepeque, eri rajil are Q. 46.5 millones chi pwaqil ri’.
“Xya’taj uchuq’ab’il ri Modelo Policial rech Seguridad Integral Comunitaria (Mopsic), e 92 chi reqa’lenel ri División Especializada rech Investigación Criminal xuquje’ rech ri División Nacional rech Q’atel ri Pandillas ri xkitunu kib’ kuk’ ri wokajilal e ajchajinelab’ ri’ rech ya’el uchuq’ab’ ri uchomaxik ri jalajoj kuwach winaqil ri’”, xcha’.
Eri Taqawokajnel rech ri Ya’olchajinem pa Amaq’, xub’ij che xya’taj kichuq’ab’ ri fuerza de Tarea Tecun Umán, jeri’ ri xjaq uwach ri jachakub’al rech ri Instituro ke’uchomaj winaq kiriqom k’ax, ri b’anoj chomanem winaqil, ri puqil ajchomanelab’ pa taq tinamit, ri ya’ltzijol rech usuk’umaxik pa tinamit ri’, eri kichapik loq e oxib’ chi winaqil ri taqom loq kichapik rech keb’e pache’ q’atb’al tzij pa tinamit naj ri Gerson Blas Muñoz Cifuentes alias “Duke” xuquje’ ri uq’atexik ri jun molaj b’anol k’ax kib’i’ “Guerra Palma” xuquje’ ri US$. 30,000.00 chi pwaqil xriqitajik.