Eri ya’olchajinem xb’antaj rumal ri’ Ministerio rech Gobernación pa reqele’n ri Wokajil Ajchajil Tinamit (PNC) rech kechajixik keto’ik ri winaqilal pa le keb’ q’ij k’a pa le b’elejeb’ q’ij rech abril rech pa junab’ ri’, eri Tercer Viceministro rech Q’atenik ri K’ax xuya ub’ixik pa le Sistema Nacional rech Q’atenik pa le Awas Q’ij ri’ (Sinaprese) ri xb’an paq’ij kamik pa le Nimrachoch Amaq’ k’o pa Uk’u’x Nimatinamit.
Pa ronojel ri chak xb’antaj kumal reqa’lenel ri ajchajil tinamit e k’o 1 mil 374 chi winaqil rumal jalajoj uwach ri b’anoj k’ax xkib’an pa ronojel ri qatinamit, rumal ri’ xriqitaj 75 chi k’aqb’alil, 58 chi b’ilob’al ub’aq’ k’aqb’al ri’, 775 chi ub’aq’ k’aqb’al xriqik, 31 chi kejach’ich’ xuquje’ 17 chi ch’ich’ xeriqitajik, 17 chi ch’aweb’al xriqik, ruk’ 105 chi b’anoj tzukunem xb’antajik xuquje’ k’o kajlajuj chi ak’alab’ xeriqik.
Eri PNC e k’o 56 chi ak’alab’ xkiriq chi uchi’ paloq, chi taq telenche’ telentyox xuquje’ pa taq k’olib’al wa’katib’al, jeri’ k’o 152 chi b’anoj kunanem xkib’an ri e ajkun, 27 chi winaq xe’esax pa kumal salvavidas, k’o 65 chi suk’ub’an ch’ich’ xkib’ano ruk’ taq jekib’al ch’ich’ ri’.
Eri Viceministro rech Q’ateb’al K’ax ruk’r i Subdirecotr rech Q’ateb’al K’ax rech ri PNC xkib’ij che ri cholchak ri’ xeto’b’an wi e 42 mil 701 chi reqa’lenel ajchajil tinamit; e 7 mil 527 chi ixoqib’ kuk’ ri achijab’ ri’.
xuquje’ xekoj e 6 mil 701 chi auto patrullas, oxib’ helicópteros, keb’ cuatrimotos, waqxaqib’ chi drones xuquje’ jo’ob’ Binomios K-9 ri’.
Xb’an ri q’ateb’al k’ax, ri puqchajinem, kesaxik winaq pa k’ax, xuquje’ k’o chajinem xkib’an ri ajchajil tinamit pa oxlajuj chi k’olib’al chajinem rumal ri Sinaprese ri’, pa waqxaqib’ k’olib’em chajinik xuquje’ 254 chi b’anoj chajinem xb’an pa ronojel rulewal qatinamit, xcha’ ri Viceministro rech Q’ateb’al K’ax ri’.