Eri K’amal b’e Amaq’ kuk’ ri Ministros xkimaj ri nab’e Taqawokaj kipatan pa Salcajá, Xe’laju’ ri’

 

Are rech rilik ujachik uwach ri b’anoj taqawokaj patanem ri’ eri K’amal b’e Amaq’, Alejandro Giammattei Falla, e rachb’ilam ri kajlajuj ri Ministros pa Amaq’ xuquje’ kuk’ ri rajawtzij rech ri Secretarías rech Taqawokaj pa Amaq’, we kamik ri’ k’o k’i uwach riqb’al ib’ chomanik xkib’an ri’ rech uchomaxik uq’atexik ri b’anoj k’ax xuquje’ are rech ukojik ri ch’ob’otal chak rech ya’el utzilem chi ke ri winaqil rech waqxaqib’ uq’ab’ tinamit rech Xe’laju’ ri’.

Eri Taqanel pa Amaq’ xub’ij che pa wuqq’ij ri’ kachomax ri’ uq’atexik b’anoj k’ax che ri uya’om k’axk’onik chi ke ri winaqil pa taq tinamit ri’ xuquje’ chomatal chik rech kab’an solinem pa taq uk’olib’alil kekunax winaq pa taq tinamit, rech k’o solinem tzukunik kab’an pa taq le Japache’ rech Q’antel, k’o uk’olib’al b’anb’al kunanik winaq kakoj ri’ xuquje’ k’o uk’olib’al ya’el ub’ixik chak chi ke winaq, k’o ch’ob’otal chak, k’o ch’ob’otal chak rech uxulanib’alil ri’, k’o wa rikil kajachik, k’o ja keyak ri’ xuquje’ k’o b’anoj chomanem kuk’ ri winaqil rech Palestina de Los Altos xuquje’ pa San Juan Ostuncalco kab’an ri’.

Xuquje’ kakoj ri’ le nimatak’alib’al taktaknem ub’i’ “Municipios Eficientes” xuquje’ rech “Jóvenes Protagonistas” kakoj ri’ pa San Martín Sacatepéquez.

Xub’an jun sik’inem chi ke ri winaqil rech chakiya’ loq katzijol ajb’anol k’ax

Aretaq xta’ik jujun taq ta’onik pa aninaqil kumal winaqilal, eri K’amal b’e Amaq’ xub’ij che ri kub’al k’u’x ya’olchajinik are kamajtaj kuk’ ri winaqil pa tinamit ri e are ri’ qas keta’m chinaq kakib’an k’ax kakitoq’ij pwaq, kakib’an elaq’, kakeleq’aj winaq, kakib’an k’ax chi ke ixoqib’ xuquje’ kakikamisaj, rumal ri’ sib’alaj xuya’ ub’ixik che qas kub’ kik’u’x b’a’ chi ek ri Wokajil Ajchajil Tinamit, rech wexa’ k’o b’anoj k’ax kakilo chakib’ij b’a’ loq pa le 110 xuquje’ pa le 1574 le juntir taq b’anoj k’ax kakilo kab’an chi ke kumal e itzel taq winaqil are wa’ rech kakito’o kib’ pa kiq’ab’ e ajb’anol k’ax ri’.

Eri chomatal chik pa taq le q’ijob’al b’anoj chak pa le wuqq’ij ri’ eri Nimatat K’amal b’e Amaq’ xuquje’ ri Ministro rech Gobernación e are ke’opan ri’ pa le Comisaría rech ri PNC pa Xe’laju’ ri’ xuquje’ rech kek’oji pa le b’anoj chomanik rech Ya’olchajinem rech pa aninaqil kachomax wari’.

Noticias Recientes