Eri K’amal b’e Amaq’, Alejandro Giammatei Falla, xuq’ansa uq’ij le chak tajin kumal ri reqa’lenel ri Wokajil Ajchajil Tinamit (PNC), rech pa le kito’ik ri winaqil xkiriq k’ax pa taq le juyub’ tinamit che ri xok’ow ri nimajab’ Eta pa we amaq’ ri’.
Eri Giammattei FALLA xuki’kotirsaj uwach kichak ri ajchajil tinamit ketajin che ub’anik pa le kito’ik pa le kitzukuxik ri winaqil rech kakesaj loq kiriqom wi k’ax pa taq le tinamit pa we amaq’ ri’.
«Xilotaj wujil che tzij k’o nim tijowchuq’ab’, tob’anik chi ke ri winaqil kumal ri e ajchajil tinamit ri’, maltyox b’a’ chi ke, kenutewchi’j b’a’, chi terenb’ej ub’anik ri toq’ob’ ri’, eri winaqil e aj Ixim Iximulew ri’ ix nimalaj rajwaxik chi ke we kamik» xcha’ ri Giammattei Falla.
Eri reqa’lenel ri PNC ri’ sib’alaj ketajin che kito’ik ri winaqil kiriqom k’ax ri’, pa le kesaxik b’i pa k’ax xuquje’ pa le ujachik kijastaq ruk’ tzuqb’al kech ri’.