Eri K’amal b’e rech Iximulew, Alejandro Giammattei Falla, xuya’ ub’ixik che pa nimaq’ab’ ri’ pa le cholchak rech kaq’atexik b’anol k’ax are xya’taj utzijolil pa le diario rech Centroamérica pa le nuk’chomab’al taqanem keb’ rajilab’al rech Korlim Ya’olchajinik pa tinamit rech Villa Nueva ri’.
“Are wa’ jun tinamit che ri b’anol taq k’ax sib’alaj kib’anom k’ax pa k’i taq junab’ chik xuquje’ rumal ri’ chi’ katajin wi tzukunem ya’olchajinik ri’”, xcha’ ri K’amal b’e Amaq’.
Xuta chi ke konojel ri winaqil rech Villa Nueva, rech chakiya’ loq ub’ixik katzijol konojel ri e ajb’anol k’ax chi’.
“E rix ix winaqil aj iximulew ix suk’ ix ajchakunel ri’, rech cheqesaj loq pa taq kik’olib’al kiwan wi kib’, pa komon b’a’ kujkowinik kojupan kuk’ e are ri’, xuquje’ rajawaxik b’a’ keqesaj loq pa tinamit che ri kib’anom wi nim k’ax ri’”, xcha’ ri Giammattei Falla.
Eri qachak ri’ are kaqaterenb’ej ub’anik pa le kilik kanimaxik ri winaqil e aj iximulew ri’ xuquje’ ruk’ wa’ tajin kaqak’utu che pa komon ri’ kujk’oji pa joremal pa chakunem k’iyemal ri’ xuquje’ ruk’ pa suk’umalil, xcha’.