Eri Ministro rech Gobernaciòn, Edgar Leonel Godoy xuquje’ ri Viceministro rech Ya’olchajinik, Gendri Reyes xikik’ul apan ropanik kuk’ ri K’amal b’e rech ri Asociaciòn Nacional rech Municipalidades ANAM, Miguel Ovalle, ri xopan che uya’ik utzij rech are jun katob’anik pa komonchak kuk’ konojel ri e ajkalte ib’ rech pa le uq’atexik ri COVID-19 xuquje’ xopan wi che rilik ri chak chomanem b’anom chik rumal ri Mesa de Crisis Interinstitucional che ri xekojik rech uq’atexik, ri jun k’ax yab’il Coronavirus.
Eri K’amal b’e ri ANAM, pa ropanik ri’ xub’ij wi che are jun kukoj rib’ pa komonchak ruk’ ri Ministerio rech Gobernación rech are jun pa wokaj b’anoj chomanem che ri xkojik rech kuchomaj jas le kub’ano rech uq’atexik ri jun yab’il ri’ pa we amaq’, pa le xtaq ub’anik rumal ri’ K’amal b’e Amaq’, rech rajawaxik b’a’ kakimol kib’ che jun nim q’atenik che ri katajin ub’anik pa we amaq’.
“Rumal ri’ eri e ajkalte’ib’ k’o jun nim kipatan kakib’ano pa le taqawokaj ri’ rumal k’ut che ri qas kojtzijon kuk’ ri winaqil xuquje’ rajawaxikkaqaki’kotirsaj katzijob’exik rech kanimax b’a’ kumal ri winaqil ri kutaq ub’anik rumal ri taqawokaj pa amaq’ rech qas kanimaxik”, xcha’ ri Ovalle.
Xub’ji chik che katajin rilik uch’ob’ik ri jun chak katajin pa komon taqawokajil ri’ che are qas utz xuquje’ rumal ri’ eri ANAM, karaj ri are jun pa le komonchak ri’, rech pa ub’anik juntir le kachakux ri’ xuquje’ rech are kab’anik pa ub’i’ ri Qajawixel chikaj, rech qonojel k’ut kojel b’i pa le jun k’ax ri’.