Eri K’amal b’e Amaq’il, Alejandro Giammattei xuya’ utzijol ri’ “k’o ri’ jun nim riqb’al ib’ kakib’ajn pa le waqib’ q’ij rech marzo”, are rech kataqixik uchomaxik uwach ri Wokajil Japache’, ri na’ojil ub’anikil ri q’atel b’anoj k’ax, chi rij ri ch’ich’ yutub’al kq’ab’ e ajpache’ xuquje’ ri b’anoj chakunik che ri kakib’an ri e ajpache’ ri’, pa le Finca Santo Tomas, pa le nimachomanem ri’ keo’pan wi ri k’amal b’e rech taq wokajil rech Taqawokaj pa amaq’ ri’ jacha’ ri rech Ministerio rech Gobernación, ri rech Congreso rech pa Amaq’ilal, ri rech Finanzas Públicas, ri Fiscal General, ri rech Organismo Judicial, ri rech taq Nimaq’atb’altzij ri’, ri rech Cámara Penal xuquje’ ri Q’atb’altzij rech ri Nimataqawokajil rech Ya’talil Winaqil.
“Kojt’uyi’k che uchomaxik uwach ri k’exnik ri rajawaxik kaqamajo ub’anik pa le Organismo Judicial, are wa’ qas chi rij uchomaxik uwach ri japache’ tz’apib’al, rumal k’ut are rajawaxik kaqakojo ri no’jchakub’al rech Control Telemático (Grilletes Electrónicos), rumal k’ut e k’o winaq ri’ man rajawaxik taj e tz’apib’ tane’ pa taq le japache’ tz’apib’al ri’, xuquje’ are kaqasolij ri una’ojil ri b’anoj Q’atenik k’ax”, xcha’ ri k’amal b’e amaq’ pa le ya’ltzijolinem xb’an pa le Nimarachoch Amaq’ pa Nimatinamit ri’.
Pa k’isb’al ri’ eri Giammattei Falla, xk’ub’isaj ub’ixik che rajawaxik k’o q’atantzij kak’ex uwach pa taq le q’atb’altzij ri’ are rech kub’an tane’ k’ax chi ke winaq che ri man rajawaxik taj keb’e tane’ pache’ we man ilom ta uwach ri b’anoj k’ax kib’anom ri’.
Pa le ya’ltzijolinem ri’ eri k’amal b’e amaq’ xuya’ utzijoxik uwach ri chak xb’antaj pa le Plan rech Prevención xuquje’ Control III pa Chimaltenango, chi’ k’u ri’ e k’o 14 chi winaqil xechapataj loq, ruk’ jun ala xchapik, kuk’ e oxib’ e tz’apil pache’ xeraqataj kakib’an ri k’ax ri’ xuquje’ k’o 43 chi b’anoj tzukunem xb’antaj pa le tinamit ri’.