Eri k’amal ub’e ri Wokajil Japache’, Luis Rodolfo Escobar Ovalle, k’o jun solinik xub’an pa Japache’ kech Achijab’ rech ri zona 18 ri’ rech xuril k’ut we katajin unimaxik ri ub’anikil rech uq’atexik ri jun k’ax yab’il rech ri COVID-19 ri’.
Eri ajtzijolinel rech ri japache’ ri’ xub’ij eri taqawokajil ri’ are ajchajil kech ri e tz’apilik ri’, rumal ri’ eri uk’amol b’e ri’ Carlos Morales, xaq k’a te’et xo’an che solinik pa le Japche’ kech ri Ixoqib’ Santa Teresa ri’.
Pa taq le ub’anikil nimatzij ri’ are kilik che ri winaqil k’o kiya’m pa kuxo’l aretaq kicholajsim kib’ kuk’ ri kachalal xuquje’ ri winaqil che ri kik’amom b’i koqxa’nib’al ri e tz’apil pache’ ri’ pa taq k’olib’al kaq’alajin wi ri jastaq kik’amom b’i, e toq’ilik rech kikojom kuchb’al kich’, kuchb’al kq’ab’ xuquje’ ri kukojik ri gel anti bacterial kumal are wa’ qas kib’anom ri’ aretaq ke’ok pache’ ri’, chi’ kesolixik xuquje’ juntir ri jastaq keqam b’i rech man k’ot ukojik jastaq maj pa usaqil chi’.
Kana’tixik che are nim upatan ri xutaq ub’anik ri k’amal b’e amaq’ ri’ rech pa uq’atexik uchuq’ab’ uchikopil ri jun k’ax yab’il Coronavirus ri’ chi ke ri winaqil rech kasaqab’isam kib’ ke’ok chi’.