Eri komonchak xuya pa retal rech xchapataj ri a “César Montes” pa México

 “Are wa’ uwach ri komonchak xb’antaj ruk’ ri nimatinamit rech México ri xtaq wi ub’ixik rumal ri Interpol Guatemala rumal ri’ xb’antaj kowinem xchapatajik a Julio César Macías alias “César Montes”, pa le Amaq’il rech Guerrero xuquje’ rech xtaq uchapik loq, xcha’ ri Nab’e Viceministro rech Ya’olchajinem, Gendri Reyes Mazariegos ri’.

Xub’ij chik eri komonchak xb’antaj ri’ are pa amaq’el xkitzijoj ri’ xuquje’ jeri kumal ri unidades rech inteligencia xuquje’ rumal ri Ministerio Público ri qas xub’an upatan ri’.

Eri Vice Ministro xub’ij che are chi’ kape loq kab’an rilik che rumal ri Instituto Nacional rech Ciencias Forenses rech kurilo we man k’ot jun itzel yab’il chi re xuquje’ rech te k’u ri’ kak’am b’i pa le Torre rech Tribunales chi kuwach ri q’atol tzij che ri xutaq uchapik loq.

Aretaq xya’taj ri tzijolinem ri’ pa le Ministerio Público eri q’atb’altzij rech ajchajil tinamit xkib’ij che ri jun achi’ ri’ are kab’ixik che pa le oxib’ q’ij rech septiembre rech ri junab’ 2019 are xub’an chi k’ax chi ke ri e ajchajil amaq’ are xe’opan che kaqan che chajinem pa le aldea Semuy III pa le Estor, Izabal, xhca’ ri K’amal b’e rech ri Wokajil Ajchajil Tinamit, José Antonio Tzubán Gómez.

 “Are chi’ eri e ajchajil amaq’ ri’ tajin xkitzukuj uk’olib’al kiq’ajib’al xik’ch’ich’ ruk’ tiko’nib’al rech Marihuana xuquje’ aretaq xe’opan pa le aldea ri’ xechap kumal ri winaqil chi’ rech te k’u ri’ xe’opan jun molaj b’anol k’ax keqam k’aqb’alil ri’ chi’ k’u ri’ xek’am wi e oxib’ e ajchajil amaq’ xuquje’ xesakataj nik’aj chik chi ke ri’” xcha’ ri K’amal b’e Ajchajil Tinamit ri’.

Alerta de Corrupción

Ultimas noticias