Eri Migración xuya’ utzijol che kub’inisaxik uya’ik resaxik ri wujq’axib’al pa Xe’laju’

41

 

Are rech b’a’ k’o jun utz b’anoj nimanem kab’an pa tinamt rumal le utz uchak ri Dirección General rech Migración (DGM),  Alejandra Mena ajtzijolinel rech ri taqawokajil ri’, ri are xuya’ utzijol e pa jun chik uwach wuqq’ij are chi’ kab’an jun retaxik ukojik pa le tinamit rech Xe’laju’ ri’ pa le ruya’ik resaxik ri wujq’axib’al ri’.

Xub’ij k’ut che we jun ch’ob’otal chak ri’ are utaqim kanimaxik ri winaqil le naj kapetib’al ri e keraqataj pa we amaq’, jacha’ pa le nimatinamit rech Xe’laju’ xuquje’ chi rij apan, che ri kopan wi che kanimaxik rumal ri Sub Dirección rech Extranjería pa le ub’inisaxik uya’ik resaxik kiwujl rech q’axnik pa taq amaq’, jeri’ nik’aj chik kiwujil ri’ xuquje’ rech kak’am katzijol ri kachoch ruk’ kiwujil rech q’axnik pa amaq’, ruk’ nik’aj chik uwach ri’.

Are wari’ kachakuxik pa le 14 rech noviembre pa le waqxaqib’ kajb’al rech kasaqarik pa le kajib’ panik’aj kajb’al rech qajib’al q’ij, pa le jachakunb’al rech resaxik ri wujq’axib’al che ri k’o pa le centro comercial Super Com Delco, 2º. Nivel , Oficina # 2 rech pa le tinamit le’, ruk’ wa’ are taqim pa aninaqil uya’ik ri wujilal ri’ chi ke ri winaqil naj kepe wi xuquje’ ri kiwujil rech pa saqil kek’oji pa taq kachoch chi’.

Eri ixoq aj winaqil nicaragüense Claudia Patricia Carrasco xuya’ ub’ixik che ri Migración ri’ are uya’om jun loq nimanik che ri are pa aninaqil xuquje’ pa jun utz ilonik che.
“Eri in kine pa uk’isb’al noviembre are chi’ kata chuwe jun nuwujil rech kink’oji  pa saqil chi’, rumal ri’ xinopanik pa taq le uk’u’x jachakunb’al ri’ rech xinwesaj chi’ nuwuj ri’, rumal k’ut pa aninaqil xintoq’ax che resaxik loq”.

Pa le ub’anikil rech resaxik ri’ k’o jun jachakunb’al b’inisam pa tinamit pa Xe’laju’ rech kesax wiri’, xcha’, “Eri jun ub’anikil resaxik ri wujil ri’ are wa’ rech jipim uya’ik resaxik, are wa’ kub’ano rech kqaj loq rajil resaxik xuquje’ rech pa aninaqil resaxik kaqab’an ri’”.