Are taqim uya’ik uchuq’ab’ ri chakunem pa wokajilal ri’ rech uq’atexik uwach ri tiko’nib’al rech awan kunab’al ri, are la’ xchomax pa jun nimriqb’alil xb’antaj rumal ri Ministerio rech Gobernación (Mingob), pa reqele’mnik ri Quinto Viceministerio ri’ ri tajin kub’an pa komon ruk’ ri Subdirección General rech Análisis rech Información Antinarcótica (SGAIA) ri’.
Pa unimaxik rech upatanexik ri Taqonib’al ruk’ ri Kub’sib’al ri K’iyemal uwach ri Nuk’chomab’al rech Uchak Patan ri Taqawokaj Amaq’ 2020-2024 ri’ rumal ri k’amal b’e Amaq’ Alejandro Giammattei, eri quinto viceministro rech Gobernación, Fernando Rodas, xuk’am ub’e ub’anik pa komon ri choman cholchakunem rech b’anoj k’ak’ puqachajinem tuzkunik rech uq’atexik ri tiko’nib’al awan kunab’al pa we Amaq’, pa komonb’al ruk’ ri subdirector Antinarcótico, Helver Beltetón xuquje’ ri rajtaqanelab’ ri SGAIA ri’.
Pa le riqb’alil riu’ xk’oji ri coronel rech Infantería DEM, Miguel Orozco ri’, k’amal b’e rech Inteligencia rech ri Estado Mayor rech ri Defensa Nacional (EMDN), ri fiscal Especial Allan Ajiataz ri’, rech ri’ Fiscalía rech Q’atol tzij rech uq’atexik ri b’anoj k’ax xuquje’ ri Narcoactividad ri’, jeri’ xk’oji rajchomanelab’ ri Sección rech Asuntos Antinarcóticos xuquje’ Aplicación rech ri Taqanik, rech ri embajada rech Estados Unidos rech América xuquje’ rech ri Dirección General rech Inteligencia Civil ri’.
Xuquje’ xek’oji rajtaqanelab’ ri Subdirección General rech Operaciones, rech ri Subdirección General rech Apoyo xuquje’ Logística, rech ri Wokajil Ajchajil Tinamit xuquje’ rech ri Unidad Especial Antinarcóticos ri’.
Rumal k’u ri’, pa le 2022 ri’, k’o utz taq chak b’anom ri’, pa le upatanexik ri Nim Cholchajinem Q’atenik Tiko’nib’al rech Awan Kunb’al pa we Amaq’, rumal k’u ri’ pa utzilem xb’antaj uq’atexik ri nab’e uwach taq tiko’n rech awan kunb’al pa San Marcos ri’, are jun chi ke ri peraj taq juyub’ ch eri qas tikom wi awan kunb’alil; jeri’ pa taq ri rulewal tinamit rech Chuwi’meq’ina’, Petén, Izabal xuquje’ Chiquimula ri’.