Are wa’ uwach ri b’anowem xb’antaj rumal ri Subdirección General rech Investigación Criminal (SGIC) rech ri Wokajil Ajchajil Tinamit (PNC), pa le jalajoj uwach taq wokajil pa we junab’ ri’ ri xekowon che kaq’atexik e kajib’ kuwach molaj b’anol k’ax che ri kakib’an ch’ijom k’ax chak chi ke winaq ri’. Eri q’atchak ri’ are la’ xtaq ub’anim rumal ri ministro rech Gobernación David Napoleón Barrientos ri’ xub’ij ri’ che are sib’alaj utz ri’ rumal k’ut are xub’an jun uq’atexik ri b’anoj k’ax ri’.
Pa we q’ij kamik xb’antaj kowonem xechapataj ri’ e 29 chi b’anol k’ax ri’ chi ke e 18 achijab’ kuk’ e julajuj chi ixoqib’ ri’.
Pa taq ri 32 chi b’anoj tzukunem ri’ xriqitajik keb’ k’aqb’al, wuqub’ kematz’ib’, oxib’ tolws, 53 ub’aq’ k’aqb’alil, 45 chi ch’aweb’al, Q93 905.00, keb’ memorias USB, ju8n tablet, jun disco duro ri’, keb’ esab’al wachib’al rech videovigilancia xuquje’ waqib’ POS ri’.
Eri kib’i’ ri molaj b’anol k’ax ri’ xuquje’ ri kakib’an ch’ijom k’ax chak chi ke winaq ri’ kib’i’ “Los Coy” , “Transnacional del Águila” ri’ , “Los Vásquez” ri’ xuquje’ ri k’a te xechapik kib’i’ “Pitayass” ri’.
Eri Ministerio rech Gobernación (Mingob) pacha’ ri wokajil ajchajil tinamit xkikub’isaj ub’ixik che kaqaterne’j kaq’atexik nik’aj molaj b’anol k’ax pa ronojel we Amaq’ ri’.