Eri Mingob xuya’ jas uqa’texik kab’anik ri k’ax yab’il ub’i’ CORONAVIRUS

 

Rumal k’ut qaraj pa aninaqil kape loq chi’ pa amaq’ tinamit ri jun k’ax yab’ilem ub’i’ Coronavirus, COVID – 19, xuquje’ rumal k’ut eta’mim che are xaq kutzij rib’ ri’ rumal ri’ eri Ministerio rech Gobernación, xutaq ub’ixik jacha’ ri xtaqon ub’anik rumal ri K’amal b’e Amaq’il ri’, Alejandro Giammattei Falla, rech xya’taj ub’ixik ri’ che ri sib’alaj rajawaxik kaq’atexik ri jun yab’ilem ri’.

Eri q’atb’altzij rech utzwachil kuwach tinamit xub’ij ri’ eri retal kub’ano aretaq k’o chik jun yab’ilem ri’, are kuya’ nim q’aq’ chi ke ri winaq, kuya’ oj, q’oxomal pa kiqul  xuquje’ ruk’ q’oxow jolom ri’.

Jas le rokik pa kab’aqil kakik’el ri winaq ri’ aretaq kub’an oj kub’an t’ixom jun winaq, aretaq kuchap jastaq, kutzij ri’ juntir ri kok’ow ri’, xuquje’ man utz taj kakikoj ri jastaq chi kuwach ri winaq aretaq kewa’ik.

Eri uq’atexik ri’ are rajawaxik sib’alaj kakich’ajo kaq’ab’ ri winaqil pa k’i taq mul ri’, we k’o b’enam keb’e wi chakikojo b’a’ kuchb’al kitza’m kipalaj xuquje’ majun kutz’apij pa uchi’ che uq’ab’ aretaq kub’an oj kub’an t’ixam ri’.

Rajawaxik kakiya’o ub’ixik chinaq kakib’an nimaq’ij ri’

Rumal ri’ xaq xu’ wiri’ kab’an nim riqb’alil wexa’ qas rajawaxik ri’ aretaq katajin ri k’ax yab’ilem ri’, xuquje’ rajawaxik kana’tix ub’ixik chakinimaj wari’: kaya’ ub’ixik jas le ub’anikil ri riqb’alil, jasche kab’an ri riqb’alil, jumpa kab’anik, jawchi’ kab’an wi, e nikpa’ winaq ketatb’en ri’ xuquje’ jorpa’ q’ij kanajtib’ ri riqb’alil ri’.

Alerta de Corrupción

Ultimas noticias