Eri Mingob xuya utzijol che ke’uloq’ 700 chi kejach’ich’ rech ri PNC

Eri ministro rech Gobernación David Napoleón Barrientos, xuya utzijob’exik pa tzijolinik che pa we ik’ ri’ ke’uloq’ ri’ 700 chi kejach’ich’, rech are kakikoj ri Wokaj Ajchajil Tinamit (PNC) ri’.

 “Are wa’ rech kanimax kitzij ri xkita loq ri winaqil tinamit ri’ rech kaloq’ik rech are utz kakoj pa taq le ya’olchajinem pa we Amaq’”, xcha’ ri ministro.

Xuquje’ xuya ub’ixik, eri e ajq’atol chak e are xkiloq’ ri chakub’alil ri’ ri sib’alaj utz rech kakoj ri’. Pa le nab’e ik’ ri’ xesuk’umaxik e 21 chi autopatrullas xuquje’ k’i taq kejach’ich’, eri ch’ich’ ri’ xsuk’umaxik kiranch’ich’ ri’, kiwa’lib’al kaqan ch’ich’ ri’, ri rech utak’mib’al, xkoj k’ak’ taq kaqan ri ch’ich’ xuquje’ xkoj k’ak’ upam taq, ruk’ nik’aj chik jastaq xsuk’umax chi ke ri’.

E pa Ixchiguán xuquje’ pa Tajumulco ri’

Eri taqawokajnel rech ri Ya’olchajinem pa Amaq’il xub’j che xetaqik e 400 chi eqa’lenelab’ pa taq ri tinamit rech San Marcos ri’ ri katajin wi ri korlim ya’olchajinem tzukunik. K’a pa we q’ij kamik ilom chik kitzijol e 100 chi winaqil xuquje’ 60 kiwujilal ch’ich’ pa taq le uk’olib’al ya’olchajinem, xuquje’ riqom chik 8s600 raqan ichaj tiko’n rech marihuana, xuquje’ riqom chik 25 upajb’alil rech ub’aq’ amapola xuquje’ xeriqitaj k’i taq k’axon k’olib’alil k’o ch’aqapil taq kaminaqib’ chi upam ri’.

 “Rumal nim ri ropanb’alil ri b’anoj k’ax ch’ojinik pa le rulewal tinamit chi’, eri PNC xuquje’ ri Wokajil Ajchajil Amaq’ Iximulew k’o k’i taq puqchajinem tajin kub’an chi’ rech q’atenik k’ax, tajin utzukuxik uwach ri b’anoj k’ax kamisanik xuquje’ tajin uq’atexik uwach ri awan kunb’alil pa rulewal tinamit ri’”, xcha’ ri Barrientos Girón.

Ultimas noticias

Alerta de Corrupción