Eri Ministerio rech Gobernación pa komonchak katajin che ujachik ri jastaq rech tzuqb’al kech ri winaqil rech aldeas rech Zacapa xuquje’ Izabal ri’ che ri xkiriq wi k’ax ri’ rumal ri kaqiq’ jab’ ETA ri’.
Eri jachoj taq ri jastaq rech ya’ltob’anik chi ke ri winaqil ri’ le are xb’an pa le upatanil ri Fuerza rech Tarea rech Interdicción Aérea, Antinarcótica xuquje’ Antiterrorista (FIAAT) ri’ ri xerapap xeb’e pa taq ri kik’olib’alil ri winaqil rumal xetz’apataj ri nimab’e xuquje’ ri xetzaq wi loq q’a’mb’e ri’, rumal k’ut ri nimajab’ xub’an pa we amaq’il ri’.
Wari’ are k’o utob’anik chi rij rumal ri Sección rech Asuntos Antinarcóticos xuquje’ Kojb’al rech ri Taqanem (INL) rech ri Embajada rech Estados Unidos xuquje’ rumal ri Coordinadora Nacional rech Uq’atexik K’axk’onem (CONRED) ri’.
Eri jastaq ri’ are xk’am b’i pa taq xik’ich’ pa taq el aldeas Xame pa le juyub’ tinamit rech Morales, Izabal; Cajón, Jones xuquje’ Morán pa Río Hondo, rulewal tinamit rech Zacapa, chi ke ri winaq ri’ xakijacho wi ri jastaq wa tzuqb’al ruk’ pera’j ri’ rech kakito’o kib’ ri keriqitaj wi ri xub’an wi nima kaqiq’ jab’ ri’.
Xuquje’ pa komonb’al kiq’axaxik ri rajchak ri Salud rech ri Wokajil Ajchajil Tinamit (PNC) xuquje’ rech ri Wokajil Ajchajil Amaq’, rech xetob’anik che kesaxik kikunaxik ri winaqil rech Morales, Izabal.
Eri FIAAT are ri’ jun puqil taqawokajilal che ri pa komon kechakun kuk’ ri reqa’lenel ri Subdirección General rech Análisis rech Información Antinarcótica (SGAIA) xuquje’ kuk’ ri Wokajil Ajchajil Amaq’ ri’ e are k’ut xkijach ri jastaq rech wa tzuqb’al le 150 chi winaqil e achalalil ri’.