Eri Ministro rech Gobernación Edgar Godoy, ruk’ ri Viceministra rech Tecnología rech ri Tzijolil xuquje’ ri tz’ijob’denik ri’, Débora Emperatzis Meza Orellana, xemoliin ruk’ ri Ajkalte rech Q’atb’altzij rech pa Nimatinamit Iximulew, Ricardo Quiñonez, are rech xkichomaj ri b’anoj ya’olchajinik winaqilal, are rech utaqixik unimaxik ri ub’eyal ya’olchajinik che ri xtaq ub’anik rumal ri K’amal b’e Amaq’, Alejandro Giammttei.
Pa le ub’ik chi’ eri Ministro Godoy ruk’ ri rajpatanel xkib’an jun wa’katem pa le Nimatinamit rech Usolixik Resaxik Rachib’al rech Ya’olchajinem C4, are ri’ qas e kojom rumal ri nimaq’atb’altzij rech kachajixik kawa’katik ri ch’ich’ xuquje’ rech uchajixik ri nimab’e ri’, eri ri chakub’al ri’ kakoj ri’ pa le uteremb’exik b’anoj chajinem rech kaq’atexik e b’anol k’ax pa tinamit ri’.
Eri Nimaq’atb’altzij ri’ k’o 1 mil 200 cámaras e ukojom pa taq le 22 zonas ri’, e are ri’ e kojom pa taq ub’eyal k’olib’alil ruk’ katob’anik ri e ajkalte’ib’ ri’ chi la’ che ri qas k’o b’anoj k’ax b’anom ri’ ri maj chajinem ri’.
Eri Ajkalte Quiñonez, xub’ij eri jun molaj esab’al rachib’al ya’olchajinik are kakowinik kukol rajilab’al taq kiplakas ri ch’ich’, ri ropanob’al kiranch’ich’ ri’, karesaj rachib’al kuwach, ri eri no’jchakub’al ri’ are kak’oji pa le Ministerio rech Gobernación are rech kakoj pa le kachajixik ri winaqil pa tinamit ri’.
Eri Ministro Godoy xub’ij che ri kecheb’exik ri no’jchakub’al ri’ xuquje’ e k’o nik’aj esab’al achib’al kekoj ri’ che ri qas rajawaxik ri’, xuquje’ e k’o k’i e ajchajil tinamit ketaq ri’, rech keq’atexik nik’aj b’anol k’ax chi’
Eri chomatal chik are kachakuxik pa komonchak rumal ri Ministerio rech Gobernación ruk’ ri Nimaq’atab’altzij ri’, are chomatal chik rech kesaxik b’i ri e q’aya’l taq ch’ich’ che ri e sachom kanoq pa taq k’olib’al ya’olchajinik pa nimatinamit.