Eri Taqawokajnel rech ri Ya’olchajinem pa Amaq’il ri k’amatil ub’e rumal ri Ministro rech Gobernación, Gendri Reyes Mazariegos, xub’ij we q’ij kamik, eri reqa’lenel ri Subdirección General rech Análisis rech Información Antinarcótica (SGAIA) ri’ kuk’ ri reqa’lenel ri Fuerza rech Tarea rech Interdicción Aérea Antinarcótica xuquje’ Antiterrorista (FIAAT) ri’, e are xkiriq ri xtzaq wi loq jun xik’ach’ich’ chinaqaj k’ut xriqitaj wi k’i taq eqa’n ruk’ k’i taq pisob’al ruk’ Cocaína ri’.
Rumal ri’ eri wokoj e ajchajinelab’ ri’ sib’alaj xkiriq chi la’ kajib’ chi uk’olib’al awan kunb’al ri’ ri xpisik rech xk’am b’i pa Rachoch ri División rech ri Fuerza de Tarea FIAAT xuquje’ k’a chi la’ k’ut xe’opan wi e ajno’jchak ri’, rech xkik’am b’i ri eqa’n ri’ pa rachoch k’olib’alil rech SGAIA, ri sib’alaj chajital ri’ rech are la’ kak’am b’i rech te k’u ri’ kab’an uporoxik, jas ri kub’ij ri taqanem tzij ri’.
Ri jun chik xk’ulmataj ri’
We q’ij kamir xuquje’ xriqitajik ri jun ch’ich’ k’o jun awam k’olib’al chi upam ri’, ruk’ 200 chi upajb’alil Cocaína ri’, pa Coatepeque, Xe’laju’, eri rajil are 2.7 millones chi pwaqil pa dólares ri’.
Rumal ri’ we q’ij kamik are riqom chik 9 mil 700 chi pajb’alil rech Cocaína ri’.
Ruk’ wari’ eri Ministerio rech Gobernación sib’alaj katajin che unimaxik ri Utaqanik ri K’amal ub’e Taqamaq’ ri’, Alejandro Giammattei.