Pa le kiq’ij ri Ixoqib’ pa Uwachulew, eri taqawokajilal rech b’anoj ya’olchajinik xuquje’ rech b’anoj q’atoj tzij pa we amaq’ ri’ xetatb’enik pa jun okemtzij ri’ xuquje’ rech ya’el kiq’ij ri ixoqib’ ri’.
Pa ub’i’ ri Ministro rech Gobernación, Edgar Gogoy, xtatb’enik ri Viceministra rech Tecnología rech Tzijolil xuquje’ rech Tzijob’elil ri’, Devora Meza, ri xch’aw chi rij keqale’mnik ri q’atol tzij xuquje’ ri wokajil ajchajil tinamit pa ukub’ixik uwach ri ya’olchajinik chi ke ri ixoqib’, pa taq le uq’ab’il xuquje’ ri k’amoj ub’e ri chakunem rech uq’atexik ri b’anol k’ax chi ke ri ixoqib’ ri’.
Pa le nimaq’ij rech kiq’ij ri’ chi’ xya’taj wi utzijoxik chi ke ri tinamit chi rij ri chak ketajin che ub’anik ri taqawokajilal rech ri taqawokaj pa amaq’ ri’, jacha’ ri q’atoj tzij, ri ya’olchajinik xuquje’ ri nimib’al uwach ri ya’talil winaqil ri’ rech maj chik b’anoj k’ax xuquje’ rech pa junam qilik kaqab’an ri’.
Eri Viceministra rech Q’atel k’ax ri’, Clauda Díaz xutaq jun nim tzijonem ri’ chi rij ri chakunem tajin kub’an ri Ministerio rech Gobernación pa le ya’el ya’olchajinik kub’al k’u’x chi ke ri ixoqib’ ri’.
Pa le ya’el tzijolil ri’ are xya’w ub’ixik ucholaj ri’ rumal ri Unidad rech ri Prevención Comunitaria rech ri Q’atel k’ax ri’ (UPCV) xuquje’ rumal ri Subdirección rech Q’atel k’x ri’ rech ri Wokajil Ajchajil Tinamit (PNC), ri are uwach ri Tercer Viceministerio rech Gobernación ri’, chi’ k’u ri’ kachakux wi kaloq’oxik kuwach xuquje’ rech kanimaxik ri ya’talil chi ke ri ixoqib’ ri’.