Eri Ministerio rech Gobernación xuquje’ ri PNC xkichap loq nik’aj e b’anol k’ax pa le Parque Centenario

Xaqamaj k’ut ub’anik we kamik jun nim b’anoj tzukunem ri uj le Wokajil Ajchajil Tinamit ri chomatal chik rumal pa jun ilob’al xya’taj utzijol ri’ che ri xk’ut wi ri b’anoj elaq’ xuquje’ nik’aj chik b’anoj k’ax xb’an kumal elaq’omab’ pa le chi uwach le rachoch amaq’ pa uk’u’x Nimatinamit pa le zona 1, xcha’ ri Viceministro rech Ya’olchajinem rech ri Ministerio rech Gobernación, Gendri Reyes.

“Ruk wa’ kojtajin che usuk’umaxik ri rajawaxik ri tajin kakita’o ri winaqil pa tinamit ri’ rumal ri’ kaqab’an ri tzukunem ri’ xuquje’ rumal k’o jun nim tzukunik xb’antaj chi rij taq ri b’anoj k’ax ri’, xuquje’ rumal k’ut k’o jun winaq xchapataj kanoq are wa’ xuya’ pa retalil rech xtzukux uwach juntir ri b’anoj k’ax xb’an chi’”, xcha’ ri Reyes.

Rumal ri’ kaqaya’ ub’ixik chi ke winaqil pa ixim tinamit che k’o e k’o jujun winaq ri’ xech’ob’otajik we kamik, xuquje’ pa uchajixik ri utzwachil ri’ rech uq’atexik ri jun itzel yab’il Coronavirus COVID-19, xil ri kiwuj ri’ xuquje’ xil kitzijol pa le ilob’al MI-3 ri kuq’alajisaj k’ut che e k’o e k’i ri’ e winaqil hondureña xuquje’ salvadoreña, xuquje’ e are ri’ e petinaq chi kuxo’l ri jumulaj winaq che ri xepe loq ri’.

“Are wari’ xchomax ruk’ ri Instituto Guatemalteco rech Migración rech b’a’ ke’utaq b’i pa katinamit  le nik’aj winaq ri’ che xechapataj loq rumal kakib’an k’ax pa we qatinamit ri’, eri e are ri’ man k’ot xsolix wi kiwujilal aretaq xe’ok’ow loq pa taq le k’ulb’a’t juyub’ pa kiq’ab’ q’atb’altzij, rumal ri’ k’o jun kimak ruk’ ri Interpol ri’ ri kurilo ri kimak kib’anom pa taq le kitinamit ri’”, xcha’ ri Viceministro.

Eri kitzukuxik kiriqik ri’ are rech kaya’ pa kub’al k’u’x ri k’olib’alil rech ri zona 1 ri’, qas chi la’ k’ut pa le parquet Cental xuquje’ pa taq nik’aj chik k’olib’em ri’, xcha’.

Eri Reyes, xub’ij che sib’alaj rajawaxik rech kana’tixik chi ke ri winaqil e aj ixim tinamit ri’ eri xkiya’ loq ub’ixik utzijoxik kumal ri winaqil pa taq le uwachwuj q’aq’nil are sib’alaj k’o nim upatan ri’ are wa’ sib’alaj utz kurilo xuquje’ xuta chi ke ri winaqil e aj ixim tinamit, we k’o nik’aj chik tzijolil chakiya’ b’a’ loq ub’ixik pa taq uq’axb’al tzijol ri’ are rech b’a’ keqachomaj rilik rech te k’u ri’ ya’talil ri’ rech kaq’axaxik ub’ixik pa taq ri q’atb’altzij ri’.

“We loq tzijol ri’ are sib’alaj utz ri’ xuquje’ utz ropanik b’a’ pa le Ministerio rech Gobernación, rech kachomax ri’ xuquje’ rech qas kab’an uq’atexik ri b’anoj taq k’ax ri’ xuquje’ rech k’o ya’olchajinem kab’anik rech k’o k’ub’al k’u’x pa tinamit ri’”, xcha’ ri Viceministro ri’.

Ultimas noticias

Alerta de Corrupción