Eri Ministro Barrientos xub’ij: “Sib’alaj utz we jun winaq kub’an tijowanim ri’”

Pa le 25 ujunab’ rech xalax loq ri Wokajil Ajchajil Tinamit (PNC), eri ministro rech Gobernación, David Napoleón Barrientos, ri tercer viceministro rech Q’ateb’al K’ax, Ronald Portillo, ri subdirector rech Prevención rech ri PNC, Nestor Dieguez, ri subdirector rech Estudios xuquje’ Doctrina, Wilson Díaz xuquje’ ri taqanelab’ e ajchajil tinamit, xek’oj pa le choletz’anem tijowanim rech 5 kilómetros, rech ri ya’ltzijol ub’i’ “Yo vivo sin drogas, Tu decides”. Xmajtaj pa le Parque Barrondo, zona 7 xuquje’ xk’is pa le Dirección General rech ri Wokajil Ajchajil Tinamit, zona 1 rech pa nimatinamit.

Eri ministro Barrientos, xub’ij: “E kinb’an tijowanim are sib’alaj utz ri’, rech kink’amo jun utzalaj nuk’aslemal, eri q’apoj winaq rajwaxik kakitij ta chik ri awan kunb’alil”.

Pa le tijowanim ri’ xek’oji e 2000 chi winaqil, e k’o e achalalil pa konojel, e k’o taq ala, taq ali, alalitom alab’om, winaq k’ax kch’akul xuquje’ ri’j taq winaq, jeri’ e k’o xepe pa taq rulewal taq tinamit xuquje’ pa kwokaj rech ri PNC.

Eri tijowanim ri’ are xb’an pa juntir uwach qatinamit xuquje’ pa nik’aj chik nimatinamit pa uwachulew rech are kakib’an utoq’ixik uq’atexik awan kunb’al.

Pa k’isb’alil, eri ministro kuk ri taqanelab’ rech ri PNC xkijach wujilal rech na’tib’al wari’ chi ke e oxib’ kuwach e ajch’akonelab’ pa le jalajoj uwach tijowanim ri’.

Ultimas noticias

Alerta de Corrupción