Eri Ministro rech Gobernación, Edgar Leonel Godoy xtatb’enik pa le komon ujachik ri wa rikil xjach chi ke ri winaqil sib’alaj e meb’a’, ruk’ wari’ eri K’amal b’e Taqawokaj pa Amaq’ katajin che uya’ik ri toq’ob’ ri’ pa le uq’ij ri k’axk’onem rumal ri’ COVID19 ri’.
Eri wa rikil ri’ are wa’ xsipax loq kumal e k’i taq wokajil ri xkiya’o pa uq’ab’ ri k’amal b’e amaq’ Alejandro Giammattei, ri pa komonb’alil katajin che b’anoj ri chomanem ri’ pa le q’ij rech sib’alaj rajawaxik ri’ pa le uchakunik ri Ministerio rech Gobernaciòn, ri Defensa, ri Salud Pùblica ri’ ri ajk’amol ub’e ri b’anoj chomanem ilonik ri’ pa le uq’ijol ri k’axk’onem che ri tajin kakik’ulmaj ti winaqil pa we amaq’ xuquje’ pa uwachulew ri’.
Eri taqawokajnel rech ri Ya’olchajinik pa Amaq’, xk’oji pa le Domo Polideportivo rech ri zona 13 achb’ilam b’i rumal ri Ministro rech ri Defensa, rech kawoksolix ujachik ri’ xuquje’ e are ri’ xek’oji pa le Barrio Gerona zona uno, rech xkisolij le ujachik ri nab’e taq wa’ rikil chi ke ri winaqil chi’.
K’i k’i wa’ rikil ri’
Eri uwach ta ri wa’ rikil xjach ri’ are k’o pa jun kaxon k’olib’alil rech kopan pa kiq’ab’ ri winaqil e ajchalalil e aj iximulew ruk’ jun aceite ideal, jun k’olib’al rech asukar Caña Real, waqib’ pajb’al rech uk’ajil ixim, waqib’ pajb’al kinaq’, jo’ob’ pajb’al rech saq aros, kajib’ pajb’al rech pastaq Ina xuquje’ ruk’ waqib’ pajb’al rech Incaparina, rech are ya’tal chi ke e 200 mil chi winaqil e achalalil e aj iximulew ri’.