Are taqim k’ut ukub’isaxik ri ya’olchajinem chi ke ri winaqilal xuquje’ rech uq’atexik taq b’anoj k’ax ri’, rumal ri’ eri reqa’lenelab’ ri Wokajil Ajchajil Tinamit (PNC) pa komonchak kuk’ ri Wokajil e Ajchajil Amaq’ Iximulew, xkib’an puqchajinem tzukunik pa komon taqawokajilal pa Villa Nueva ri’.
Eri chak ri’ are xb’antaj kuaml ri keb’ kuwach wokajilal, are xtaq ub’anik xuquje’ xb’an usolixik uwach rumal ri ministro rech Gobernación, David Napoleón Barrientos xuquje’ rumal ri Subdirector General rech Operaciones rech ri PNC, Nery Benito.
Rumal ri’ eri wokaj ajchajil tinamit xkikoj uk’olib’alil ya’olchajinem tzukunik ri’ rech xkil kitzijolil winaqib’ xuquje’ rech xkisolij upam taq ri ch’ich’ chi’.
Xuquje’ k’o puqchajinem tzukunik xkib’an che kaqan xuquje’ chi rij taq kejach’ich’ pa taq kik’olib’al winaq che ri k’ax taq b’e keriqitaj wiri’ xuquje’ pa taq ri nimab’e rech pa tinamit ri’, rech xkub’isax uwach ri joremal chi ke ri winaqil e villanovanos ri’.
Eri q’atb’al tzij rech ri taqawokajnel rech ri ya’olchajinem tzukunik pa we Amaq’ rech sib’alaj xkib’ij chi ke ri winaq pa tinamit rech chakib’ij loq utzijolil taq b’anoj k’ax pa taq le ch’aweb’al 110 xuquje’ 1561, rech ub’ixik loq pa awalik ri’.