Eri Ministro rech Gobernación, Edgar Leonel Godoy, xrachb’ilaj ri K’amal b’e Amaq’ Alejandro Giammattei pa San Miguel Sigüíla che upatanixik ri Taqawokaj rech Puertas Abiertas ri’.

Eri taqawokajnel rech Ya’olchajinik ri’ katajin che usolixik kichak ri e ajchajil tinamit pa le Sub Estación 41-3-2 ri k’o chi’.

Pa le tinamit ri’ eri K’amal b’e Amaq’ xujaq uwach ri Cholchak “Jóvenes Protagonistas” xuquje’ xukoj chi’ ri ch’ob’otal chak rech nab’e uk’olib’al wa’im chi ke ri winaq qas k’o rajawaxik chi ke ri’ xuquje’ chi ke ri winaq e ri’ij chik rech kekowinik kakitzuqu kib’ waral xuquje’ chi’ xkiya’ wi kitem ri ak’alab’ e ajtijoxel pa taq tijob’al chi’ rech utz kakitijoj wi kib’.

“Are rech kaqakoj chi’ jun utz ub’anikil uq’ab’ tinamit, ruk’ cholchak rech microempresas, rech becas chi ke winaqil, rech eri e q’apojil kakitijoj b’a’ kib’ xuquje’ rech kakiwok uwach jun utzalaj Iximulew k’extil rilik, xcha’ ri K’amal b’e Amaq’.

Rajawaxik b’a’ junam kaqakoj qachuq’ab’ rech kaq’atexik nik’aj b’anol k’ax xuquje’ rech kakiya’ b’a’ ub’ixik katzijol e b’anol k’ax ri’ xuquje’ rech kakub’ b’a’ kik’u’x chi ke ri wokajil ajchajil tinamit.