Eri Ministro xtatb’enik pa le nimaq’ij rech maj ub’anik k’ax chi ke ri ak’alab’ ri’

 

Eri Ministro rech Gobernación, Edgar Godoy, xtatb’enik pa jun nimaq’ij rech majun b’anoj k’ax chi ke ri ak’alab’ ri’, are xk’am ub’e rumal ri K’amal b’e Amaq’il, Alejandro Giammattei Falla, ri xuya’ wi utzijoxik ri ya’el uchuq’ab’ ri ilonem chi ke ri winaqil tinamit rech ri 2019 k’a pa we q’ij ri’, are chi’ xkoj le K’ak’ Taqanem rech Atención Integral –MAINA- ri’.

Eri uwach ri ilb’anik ri’ are xb’an ri’ jun wa’katem kumal pa le rachoch ri MAINA, chi’ k’u ri’ eri tzukunelb’ rech ri Wokajil Ajchajil Tinamit (PNC), che ri a taqom b’i chi’, ri xkiya’ ub’ixik ucholaj che ri Taqawokajnel rech Ya’olchajinik pa Amaq’, ri chak che ri katajinik rech kato’ik ri e ak’alab’ xuquje’ e q’apojil ri b’anom k’ax chi ke ri’.

Eri MAINA xumaj upatan ri’ pa julio kanoq rech pa junab’ir, we kamik ri’ b’anom chik 2 mil 461 b’iw ub’ixik kumal winaq ri’, ri 42% rech ilonem kachomaxik ri ak’alab’ e sachinaq pa amaq’, eri 38% rumal b’anoj k’ax chi ke ak’alab’ xuquje’ eri 20% chik rumal b’anoj k’ax chi ke ixoqib’, rumal ri’ are rajawaxik b’a’ chi chi paq’ij chi chaq’ab’ b’a’ k’o ri ilonem ri’, rech pa aninaqil kaq’atexik ri’.

We kamik ri’ eri MAINA, wokom uwach kumal 11 wokajilal ri’, chi ke ri’ rumal ri Ministerio rech Gobernación, pa le reqa’lenik ri Wokajil Ajchajil Tinamit (PNC); rumal ri’ Ministerio Público (MP); rumal ri Organismo Judicial; rumal ri Procuraduría General rech Amaq’il; rumal ri Instituto Nacional rech  Ciencias Forenses, kumal nik’aj chik ri’.

Alerta de Corrupción

Ultimas noticias