Xa’ jub’ij chik karaj kajaq ri Mega Comisaría Regional rech Xe’laju’, eri comisario rech ri Wokajil Ajchajil Tinamit (PNC), Genaro Cifuentes Figueroa, we kamik are k’o taqanel pa le Comisaría 41 le k’o ri rachoch pa le tinamit ri’ xub’ij k’ut che are wari’ jun utzalaj nim na’tib’al kaya’ chi’, rech kechakun wi’ ri e ajchajinelab’ pa le kachajixik ri winaqil pa tinamit chi’.

“Uj b’enaq che usolixik upam ri’, are xaqilo che are k’ak’ le rachoch ri’ jeri’ uchomaxik xb’an che k’a xmajtaj ri’, k’o nim upatan xb’an che. Chi’ kek’oji wi’ le eqa’lenel ajchak, k’o ketijox wi’, k’o kechomax wi’ le winaq ri’ xuquje’ ri e ajq’axal tzijolinem ri’”, xcha’ ri Cifuentes Figueroa ri’.

Xub’ij chik che ri jachakunb’alil ri’, are jun utzalaj rilik kumal le winaqilal rumal ri’ jeri’ kab’an chi ke pa le kachomaxik, are wa’ sib’alaj karaj nim anima’ pa le kanimaxik kumal ri eqa’lenelab’ ri’.

“Eri uj kaqab’ij che utz wa’ kil kumal le winaqilal ri’, e are ri’ le keqanimaj uj”, xcha’.

E rajchak sib’alaj keki’kot ri’ xuquje’ kiya’om kanima’ che kanimaxik le winaqil chi’

Are wa’ kanina’ le e ajchak e k’o chi’, eri Comisario, xub’ij che sib’alaj keki’kotik che kapatanixik ri’, are wa’ kakilo jun tijowchuq’ab’ chak, are wa’ sib’alaj utz k’o kak’ex che uwach ri’ xuque’ are wari’ rech kanimaxik le winaqil jacha’ le tz’aqat chi ke ri’.

xub’ij ri’ che are wa’ karaj jun ya’el animaq’ chech ri’, rech utz pa le ukojik kab’an le nab’e qaj upam ri’, jeri’ utz pa le ukojik kab’an ri chokonsab’al xuquje’ pa juntir le chakub’al chi’.

Sib’alaj upatan ri Mega Comisaría ri’ rumal k’ut k’io jun nimalaj kitak’alaib’al ch’ich’ chi’ rumal ri’ kuq’atij ta kib’e ri winaq chi’.

Eri jun chik ke’uki’kotirsaj ri’ are le ke’uxulan wi’, ri ke’itin wi’ xuquje’ ri kakitzaq wi’ kib’ k’o qaj pa le nab’e upam ri ja ri’, xuquje’ k’o kakitij wi’ kiwa’ ri’, xuquje’ k’o kakiya’ wi’ le kich’ich’ rech kakisuk’umaj ri’ juntir k’ut umolom rib’ chi kuwach chi’, xcha’ ri Cifuentes Figueroa.

Ya’tal juntir utob’anik ri Taqawokaj chi rij ri’ xuquje’ rumal ri Gobernación

Eri Comisario, sib’alaj xuya’ ub’ixik che ri Taqawokaj pa Amaq’il ri’, jacha’ ri Ministerio rech Gobernación ruk’ ri chakunik ri’ katajin k’ut che uya’ik nima’q taq uxaq’ pa le uk’u’x kipatanixik uloq’oxik uwach kichak patan e ajchajil tinamit ri’, “Jeri kaqil uj xuquje’ k’o qatob’anik chi ke ri’”.

Sib’alaj xub’ij chik, “Che pa qatzijil pa le uk’aslemam ri Wokajil Ajchajil Tinamit, qeta’m k’ut che ri k’o jun jikomal ub’inib’alil ub’anom ri’ jacha’ taq kuk’ ri ajchajinelab’ are wa’ uya’om uchuq’ab’il ri’, are wa’ kaqana’o kojumin pa jun nimalaj uwachixik ri’ xuquje’ pa le jun nim ub’antajil ri’, che tzij b’a rech utz le b’anow chak patan ri’”.

Are wari’ k’o jun nimalaj upatan ri’ pa le ub’anik jun utzalaj b’anow chak ri’, eri jachakunb’al are e k’ak’ ri’, eri ja are k’ak’ ri’, are wa’ kojutoq’ij ri’ rech kaqab’an ri ya’olchajinik ri’”, xcha’ ri Cifuentes Figueroa.