Eri Nab’e Viceministro Gendri Reyes, are jun pa le chakunem xb’an pa le Mesa Técnica rech Ya’olchajinem xmolin ruk’ ri q’atb’altzij rech ri Inspectoría General rech ri Sistema Nacional rech Ya’olchajinik (SNS), ruk’ ri Wokajil Ajchajil Tinamit (PNC), ruk’ ri Sistema Penitenciario (SP) xuquje’ ruk’ ri Unidad rech Asuntos Internos rech ri Ministerio rech Gobernación, rech ketaxik jun molaj b’anoj solinem pa we amaq’il tinamit ri’.

Eri Viceministro Reyes kub’ij are wa’ k’o nim upatan ri chakunem pa komonb’al ub’anik ri’ rech k’o utz utaqixik kab’anik xuquje’ eri chakunem ri’ are wa’ ilom kumal ri taqawokajilal xuquje’ ri tinamit.
“Eri uchak ri inspectoría ri’ are k’o nim upatan rech utz kechakun ri taqawokajilal ri’”, xcha’ ri loq’ patanel ri’.

Eri Raúl Roca, Inspector General rech ri Sistema Nacional rech Seguridad, katajin che b’anoj komonchak ruk’ ri’ Ministerio rech Gobernación xuquje’ kuk’ taq ri uq’ab’ilal ri’, rumal k’ut are wa’ jun chi ke ri nim upatan kub’an ri’ rech katob’anik pa ub’anikil ri ya’olchajinem pa taq le taqawokajil che ri e k’o pa le unuk’ulemal ya’olchajinem pa amaq’ ri’.

Eri upatan ri’ che ri jujun taq wokajilal ri’ are rech k’o jun unidad rech Inspectoría rech kutoq’ij ub’anik pa usaqilal ri’, ri jachoj uwach chak b’anom xuquje’ rech pa taq ri taqawokajilal ri’.

“Are wa’ k’o nim upatan pa le ub’anikil saqilal ri’, rech kilik ri taqawokajil che ri keraqataj pa komochak pa le SNS ri’ rech pa unimaxik ri b’anoj tzukunem ya’olchajinik ri’, reh ya’el uchuq’ab’ ri taqawokajilal ri’”, xcha’ ri Roca.

Eri taqim rilik chi rij ri chakunem ri’ are rech kaya’ uchuq’ab’ ri chakunem kumal ri Inspectorías Generales, rech b’anoj tob’anik pa le kakojik pa taq le taqawokajilal ri’ che ri e man k’ot wi, xuquje’ rech kek’uttijoxik ri e ajchak rech ri b’anoj taq solinik ri’.

Jacha’ ri cholchak rech chuwe’q kab’ij rech ketob’anik chi rij ub’anik ri k’uttijonik chi ke rajchak ri Asuntos Internos, pa le ub’anikil ri solinik ri’, rech kakiraqo ukojik ri chakub’al rech b’anoj solinik ri’ xuquje’ rech keta’m kakikojo ri etab’al b’anoj rech pa jujun taq taqawokajilal ri’.

Eri Inspectoría General rech ri SNS k’o waqib’ ub’anikil usolixik xuquje’ uchajixik ri’: Ri uwokajil b’anoj eta’manem, ri uwokajil reta’maxik ch’ajch’oj b’anikil, rech reta’maxik b’anoj taq tzukunem xuquje’ chajinem chi ke e ajchak, reta’maxik taq ri ch’ich’ kekojik, reta’maxik uwach taq k’aqb’alil  xuquje’ utzijob’elil, rech are wa’ kanimax ub’anikil jacha’ kataqon wi ri Ropanb’alil ri Nuk’ulemal Ya’olchajinem pa Tinamit ri’.