Pa le unimaxik ri ya’olchajinik chi ke ri winaq tinamit ri’, eri Ministerio rech Gobernación pa keqale’nib’al ri e ajno’j reqa’lenel ri comisarías ri e k’o pa uk’u’x nimatinamit rech ri Wokajil Ajchajil Tinamit (PNC), pa le ik’ julio kanoq xmajtaj ukojik ri #PlanGénesisPNC ri’.

Eri #PlanGénesisPNC are wokom uwach rumal ri’ #OperaciónRunner xuquje’ ri  #OperaciónHarley are rech uq’atexik kuwach ri e ajb’anol k’ax ri’ pa le b’anow tzukunik chi ke winaq, ch’ich’, taxis xuquje’ kejach’ich’ ri’.

Pa le ukojik ri Plan Génesis xekoj ri’ ri ch’ich’ J-8, equipos K-9 xuquje’ e are jun ri’ pa kimolajil ri sak’ajil ajchajinelab’ ri’, ri xejipixik pa taq le wokja e k’o pa le tinamit rech Iximulew ri’ rech pa le uq’atexik ri b’anow k’ayinik xuquje’ ri tijow awan kunb’alil ri’, jeri’ rech uq’atexik b’anow elaq’nik pa taq le ch’ich’ rech erelwinaq, jeri’ chi ke winaq kakib’inisaj ch’ich’, jeri’ pa taq k’o wi’ semáforos xuquje’ rech kechap ri ajb’anol taq k’ax ri’, xuquje’ k’o b’anow tzukunik pa taq le parques rech pa uk’u’x nimatinamit xuquje’ ri ya’olchajinik che kaqan ri ajchajil tinamit ri’.

Pa le 30 rech julio kanoq k’a pa we q’ij kamik e k’o 136 chi winaqil xechapataj ri’ rumal taq b’anow k’ax ri’, xuquje’ xraqataj ri’ Q75,330, ruk’ 99 k’olib’al rech marihuana xuquje’ lajuj chi ch’ich’ ri xeraqataj ri’.

Xuquje’ e k’o  32,034 chi winaqil xch’ob’ kuwach, ruk’ 26,454 chi ch’ich’ ri’ xuquje’ ruk’ 292 chi k’aqb’alil ri’.

Xuquje’ k’o 167 tojb’al xkoj ri’ rumal ri Departamento rech Tránsito rech ri PNC, k’o chi wujilal taqom resaxik ri’ are pa  9,067 xuquje’ k’o 527 chi solin ch’ich’ xb’antaj ri’.