Pa we q’ij kamik wuqub’ q’ij rech septiembre ri’ xub’an ukojik uwach ri Plataforma rech ri Utzijob’elil ri Rajilab’al Tzijol rech Q’atenik B’anoj K’ax ri’ (PLADEIC), ri are la’ xtaq ub’anik pa le Acuerdo Ministerial ri’ 419-2022, are tane’ jun q’axeb’al tzijol rech ri Ministerio rech Gobernación (Mingob) ri’, rech ri ya’el utzijob’elil ri k’ulmam pa Amaq’ ri’.
Eri taqawokajnem rech ri ya’olchajinem pa Amaq’, David Napoleón Barrientos xuya ub’ixik ucholajil che we jun chakub’alil tecnológica ri’ are la’ kuq’alajisaj uwach ri utz ya’olchajinem tzukunik kab’an pa le wokajil ajchajil tinamit xuquje’ rumal ri Inteligencia Civil, “we b’anoj chakunem ri’ are la’ k’o nim upatanib’al rumal k’ut are kuya’ utzijob’elil chi ke ri winaqilal rech ya’tal ri’ rech kakib’ij loqkitzkijol ri b’anoj k’ax kakilo. Eri b’anonem ri’ are la’ jun chi ke ri uwach ri upatanik ri Tecnología xuquje’ Innovación ub’anik ri’ are Ub’e’al ri Transformación Policial (ETP)” ri’.
“Eri Dirección rech Informativa rech ri wokajilal ri’ are ri kuq’at ri uchakuxik xuquje’ rech kub’an utz uterne’xik pa le plataforma ri’. Eri ajq’axel tzijol ri’ are ri Dirección General rech ri Wokajil Ajchajil Tinamit (PNC) ri’. eri chakunem pa Taqawokajilal ri’ are la’ kutz’aqatisaj uwach ya’el utzijob’elil ri rajilab’al tzijol chakum chik uwach”, xcha’ ri taqawokajnel.
Eri nab’e uwach ri’
We jun ch’ob’otal chakunem ri’ are la’ kuwok uwach ri Plataforma Interinstitucional ri’, are kutzukuj utunik uwach ri rajilab’al tzijol molom rumal ri Ministerio Público (MP), rumal ri’ Instituto Nacional rech Ciencias Forenses (Inacif) xuquje’ rumal ri Registro Nacional rech ri Winaqib’ (Renap), xcha’ ri taqawokajnel ri’.
Rumal ri’ eri K’amal b’e rech ri PNC, Héctor Hernández, xub’ij che pa we tob’chakub’al ri’, eri winaqilal kaya’taj chi ke rech kakilo rajilab’al ya’olchajinem kakib’an ri wokajil ajchajil tinamit ri’. Xuquje’ are la’ rech kach’ob’otaj le rilik ub’anik ri tzijob’elil kaya’taj pa le uwach tzijol ri’. Pa le uwach b’anoj chakunem ri’, ya’tal ri’ wuqub’ chi rajilab’al ch’aweb’al ri’, rech kak’ul wi uwach ri b’iw ub’ixik ri b’anoj k’ax ri’.
Pa le b’anonem ri’ xk’oji ri primer viceministro rech Seguridad, Carlos Framnco Urzúa, ri tercer viceministro rech Q’atel K’ax ri’, Ronald Portillo, ri k’amal b’e rech Informática, Rodolfo Guillermo Corzo xuquje’ ri taqanel rech ri Unidad rech Información Pública rech ri wokajilal, María Graciela Carrera ri’.