Eri PNC keye’m chik rech kechajin pa uwi’ taq Muqib’al Kaminaqib’ pa we amaq’ ri’

Eri ya’olchajinem ri’ rech uq’atexik kakititz’ kib’ ri winaqil pa uwi’ taq muqib’al kaminaqib’ ri’ xuquje’ rech uq’atexik ri jun itzel yab’il rech ri Coronavirus – COVID 19, autoridades rech ri  Ministerio rech Salud  xkiya’ k’ut utzijol ri’ che e tz’apil uwi’ muqib’al kaminaqib’ pa taq le q’ij 31 rech octubre, pa 1 xuquje’ keb’ q’ij rech noviembre ri’.

Jacha’ ri k’amanaq chi ke ri winaqil e aj ixim tinamit keb’e pa uwi’ taq kimuqib’al kaminaqib’, pa le K’iq’ij rech ri Tyox taq Winaq ri’, rumal q’atimaj ri’, eri Wokajil Ajchajil Tinamit (PNC) pa amaq’el k’o ya’olchajinik solinem kakib’an pa uwi’ taq kimuqib’al kaminaqib’ pa we amaq’ ri’.

Eri ya’olchajinem ri’ k’o pa le Cholchak rech Ya’olchajinem  63 – 2020, rech k’o solinem kab’an chi ke ri winaqil che ri ke’opan pa uwi’ taq kimuqib’al kaminaqib’ ri’, are ya’olchajinem kab’an kumal reqa’lenel ri Comisarías xuquje’ ri Unidades especializadas chi la’ k’ut xuquje’ chi rij taq kimuqib’al kaminaqib’ ri’.

Ruk’ ri retab’al b’anoj ri’ k’o ya’olchajinem kab’an chi ke ri winaqil rech man k’ot kakiriq tane’ ri’, xuquje’ rech uq’atexik ri jun itzel yab’il rech jun COVID – 19 pa we amaq’ ri’.

Noticias Recientes