Eri PNC k’o b’anoj tzukunem chi ke winaq xkib’an pa taq nimab’e ri’

 

K’o jalajoj uwach b’anoj tzukunem chi ke winaq pa taq nimab’e katajin kumal reqa’lenel ri Wokajil Ajchajil Tinamit (PNC), are wa’ uwach ri ya’olchajinik chi ke ri winaqilal ri’.

Eri b’anoj tzukunem ri’ are katajinik rech uq’atexik b’anoj k’ax ri’ xuquje’ rech b’anoj tzukunik chi ke winaq kakib’inisaj le ch’ich’ pa taq nimab’e, jeri’ chi ke ajkejch’ich’, chi ke winaq kib’inisam b’i ch’ich’ rech eqa’nib’al, ruk’ nik’aj chik ri’, are rech kilik we k’o pa saqil kiwujil ri’ kuk’ e ajchajil tinamit xuquje’ rech kilik we man taqom ta kachapik ri’.

Xuquje’ kesolixik ri ch’ich’ che ri e k’amom b’i kumal winaq rech keb’e pa b’enam ri’ rech kilik ketzukuxik ri ch’ich’ e eleq’am b’i, are wa’ katajinik ruk’ utob’anik jun no’jchakub’al ub’i’ MI3.

Eri juyub’ k’olib’al che ri katajin wi b’anoj tzukunem kumal e ajchajil tinamit are ri’ pa le tinamit rech Jícaro, le Progreso; le Alta Verapaz; pa le kilómetro 144 nimab’e kab’e pa Salamá, Baja Verapaz; Santa Ana Huista, Chinab’jul.