K’o k’i puqchajinem tzukunik xb’an pa Palín, Escuintla xuquje’ Chimaltenango, pa le xetatab’en wi ri reqa’lenelab’ ri Wokajil Ajchajil Tinamit (PNC), pa keqele’n ri jalajoj jachakub’al rech puqchajinem xuquje’ tzukkno’jchak, ruk’ utob’anik ri Taqawokajnem rech Chakunem, ri Taqawokajnem rech La’wchib’al Utzwachil Winaqb’ ri’, ri Superintendencia rech Administración Tributaria (SAT), xuquje’ ktatab’en jun Ajno’jalinel rech Q’atoj Tzij rech ri Comisaría departamental ri’.
Eri q’atb’al tzij xkiib’ij, we jun b’anoj komonchak ri’ are xutaqij ri b’anoj tzukunem pa taq le centros nocturnos ri’ rech xkilo we k’o kiwujil rech ri chak kakib’ano, xuquje’ rech kakitoq’ij kanimaxik ri taqanem tzij rech chajib’al ib’ kumal ri winaqil rech uq’atexik uchikopil ri jun itzel yab’il rech ri covid-19 ri’.
Pa le ub’anik ri komonchak pa taqawokajilal ri’ xuquje’ xtaqixik rilik we man e k’ot ak’alab’ e kojom pa taq le chakunem kumal wokajil winaq rech nik’aj chik nimatinamit naj che ri keriqitaj pa we qatinamit ri’ maj pa usaqil ri’.
Pa Cobán ri’
Pa we nimatinamit ri’ eri reqa’lenelab’ ri Comisaría 51 k’o tzukunem ya’olchajinik xkib’an ri’ rech utzukuxik k’aqb’alil keqam kumal winaq maj pa usaqil ri’ xuquje’ rech kanimaxik ri Taqanem Tzij rech Maj K’ayin Tijow Tzam ri’ pa le uq’ab’ ri tinamit ri’, jeri’ xil kuwujil winaq ri xewa’kata chi’ xuquje’ ri kewa’kat pa ch’ich’ xuquje’ kejch’ich’ ri’, rech xilik we man kik’amom ta b’i jastaq maj pa usaqil, are wa’ rech xnab’ejsax uq’atexik ri b’anoj k’ax chi’ xuquje’ rech ya’ol kub’sib’al k’u’x chajinem chi ke ri winaqil ri’.