Eri PNC, k’o ya’olchajinik pa taq le kakik’ex wi kib’ ri k’amal b’e pa amaq’

 

Eri e ajchajil tinamit k’a pa nimaq’ab’, ketajin chik che ya’olchajinik pa taq nimab’e pa nimatinamit chi rij apan ri Palacio Nacional rech Amaq’, chi rij ri Catedral Metropolitana, chi rij ri Congreso rech ri Amaq’il, chi rij ri Teatro Nacional xuquje’ chi rij taq apan warib’al ja ri’ rech pa taq zonas 9 xuquje’ pa rech pa 10 chi’ xtaq wi ri ya’olchaiinik kumal ri q’atb’altzij rech ri Ministerio rech Gobernación, rech q’atel k’ax chi’ aretaq kakik’ex kib’ chi’ ri e k’amal b’e pa amaq’ we kamik.

Eri q’atb’altzij rech ajchajil tinamit ketajin che ujachik uwach ri b’anoj ya’olchajinik chi ke ri e K’amal B’e Amaq’ ke’ok ri’ rech pa kajib’ junab’ petinaq jeri’ k’o ya’olchajinik chi ke ri winaqixel kepe pa taq ri 50 chi nimatinamit naj che ri ke’opan pa le nim ilb’anik ri’ kamik xuquje’ chuwe’q pa taq le nimatinamit.

Konojel k’ut ri reqa’lenel ajchajil tinamit e k’o pa ya’olchajinik ri’ are ri’ katajin kilik kumal ri q’atb’altzij rech ri wokajil ajchajil tinamit ri’ rech tajin ke’opan pa taq le k’olib’al ya’olchajinik ri’ xuquje’ rech tajin kakilo we katajin unimaxik ri ya’olchajinem chi’.