Eri PNC kub’an na ri tijowanim rech 10k ub’i’ “Ajchajinel rech yab’al Joremal ri’”

Pa le uq’ijol ri juk’al jo’ob’ ujunab’ chik okinaq ri Wokajil Ajchajil Tinamit (PNC), kab’an ri’ jun nim tijowanim ub’i’ 10k “Ajchajinel rech yab’al Joremal ri’” pa le nimatinamit ri’, are rech kataqix uwa’lijsaxik ri utzalaj riqb’al ib’ ri’.

 “Pa le b’anoj tijowanim kek’oji ri’ e 900 chi e ajxik’anelab’ rech pa kiq’apojil winaq, chinaq kakaj, rech pa kinimal winaqilal xuquje’ winaq k’ax kich’akul pa kalaxib’al ri’. Pa le uwachwuj q’aq’nil rech ri taqawokajil ri’ kariqitaj wi kilotaj wi ri rajawaxik kata’ik chi ke ri wiinaq xuquje’ ri código QR, rech b’a’ chinaq winaq kakaj ke’ok pa le nima xik’anem ri’, rech kekowon b’a’ kakitz’ib’aj kib’i’ man tojom taj xuquje’ pa le uwachwuj q’aq’nil ri’”, xcha’ ri Sara Bolaños k’amal b’e rech ri Departamento rech Tránsito rech ri PNC.

Eri Bolaños xub’ij ri’ “Eri oxib’ ch’akanel e nab’e ri’ k’o ri kaya ch’akib’al kaya chi ke ri’ xuquje’ chi ke ri winaqil ri kakik’iso uwach ri nimaxik’anem ri’. K’o playeras xuquje’ ajilab’al kajach chi ki jujunal ri e ajxik’anel pa le b’anoj nimaxik’anem ri’”.

Eri choletz’anem ri’ are la’ kab’an pa le lajuj q’ij rech julio petinaq pa taq le 5:30 rech ri saqarib’al, are kamajtaj loq pa le avenida Reforma xuquje’ boulevard Liberación, rech kak’is pa le nimrachoch ri Dirección General rech ri PNC, zona 1 pa nimatinamit.

Ultimas noticias

Alerta de Corrupción