Eri PNC kuya’ ub’ixik chi ke ri tinamit ri’ che k’o nima k’ax kak’ulmataj rumal ri jab’nik ri’

83

 

Rumal k’ut ri nimak’ax kupetisaj ri jab’ pa k’i taq juyub’alil pa we amaq’ xuquje’ are rech katob’an chi ke ri winaqil aj iximulew ri’ eri Wokajil Ajchajil Tinamit (PNC) k’o jun ya’ltzijol xtaq ub’anik ri’ rech q’atel k’ulmatajem k’ax ri’.

Rumal k’u ri’ aretaq xkoj ri alerta naranja rumal ri taqawokaj pa ri’ rumal ri Ministerio rech Gobernación xuquje’ pa taq le taqawokajil rech uq’ab’il ri PNC ri’ kuya’ ub’ixik chi ke ri winaqil rech kek’oji pa taq kachoch we rajawaxik taj k’o keb’e wi, wexa’ keraqataj k’ut pa taq le siwan ri’ wene’ chi uchi’ k’ut rajawaxik kakesaj kib’ ri’ rumal k’ut qaraj xaq k’a te’et katzaq loq le juyub’ chi’ chinaq k’o ri kachoch chi uchi’ taq nimaja’ pa taq mux rajawaxik b’a’ qas kakil kib’ ri’ xuquje’ wexa’ nimarinaq ri nimaja’ ri ja rech pa taq mux xaq makiq’axaj k’ut xuquje’ meb’in k’ut chi uchi’ taq nimaja’ ri’.

Xuquje’ eri q’atb’altzij rech ajchajil tinamit sib’alaj kakiya’ panoq ub’ixik are rajawaxik eri winaq chakisolij b’a’ ri kach’ich’ ri kakejch’ich’ kakib’inisaj chakisolij b’a’ uwa’lib’al rech, ri uq’aq’ ri ujikb’al ri ja’ katzaq loq chi uwach ri’, pa no’jimal chakib’inisaj b’a’ kach’ich’ xuquje’ chakikojo b’a’ ri kichaleco kuqupisaj ri q’aq’ ri’ ruk’ kikasko.

Pa k’isb’al rech chaki’uxulanisaj kanima, chakeqaj b’a’ kik’olib’al rech pa oxib’ q’ij ri’, rajawaxik b’a’ chakiya’o kijolom che ri pixb’anik che ri kakiya’o ri q’atb’altzij chi ke ri’ chi ke ri ketzukun pa taq aninaqil ri’ xuquje’ xuquje’ rajawaxik chakeqaj b’a’ jun ch’ab’eb’al kech ri’ ruk’ taq ri rajilab’al ch’awb’alil panoq kuk’ ri PNC jacha’ ri rajilab’al ch’ab’eb’al 110 rech wexa’ k’o kakiya’ apan ub’ixik chi rij ri katajin uk’ulmatajik ri’.