Eri ministro rech Gobernación, David Napoleón Barrientos xuquje’ ri primer viceministro rech Seguridad, Carlos Franco Urzúa, we q’ij kamik xterenb’ex ub’anik jun choltaqanik ub’i’ Plan 19-2022 rech Chajinem pa le Tojb’al rech ri Bono 14 pa ronojel nimatinamit ri’.
Eri reqa’lenel ri comisaría 16 ri’ xkib’an ri chajinem pa taq k’olib’al che ri keriqitaj wi cajeros automáticos pa le colonia El Milagro zona 6 rech Mixco, rech uq’atexik b’anoj elaq’ chi ke winaq chi la’ k’ut.
Xuquje’, xkib’an puqchajinem pa le mercado San Martín, zona 6 rech pa nimatinamit, xuquje’ xkikoj cho taq xan chi la’ k’ut ri wujilal rech ya’oltzijol pixab’nik chi ke ri e q’apojil rech pa we Amaq’.
En k’u ri’ Ajchajinel rech Mercados (Polimerc) xkib’an jun nimachajinem pa jalajoj k’olib’alil rech ri colonia Maya xuquje’ le Limón pa le zona 18, ruk’ utob’anik chi drones ri’.
En k’u ri’ Subdirección General rech Q’atel k’ax (SGPD) xechajin pa taq k’ayib’al xuquje’ pa taq cajas rurales rech El Jícaro, El Progreso ri’ chi la’ k’ut xkijach wi xkikoj wi wuj rech ya’ltzijol ruk’ taq ub’ixik ya’olchajinem rech q’atenik k’ax pa le tojb’al ri Bono 14 ri’.