Are wa’ k’amanaq chi ke ri winaqil ke’opan pa le nab’e q’ij rech noviembre rech Kanimaq’ij le Tyox Winaq e Kaminaq chik, rech ke’opan che uwiqik kimuqib’al kikaminaqib’ e kachalal e kaminaq chik.
Rumal b’a’ ri jun itzel yab’il rech ri coronavirus COVID – 19 xuquje’ rech uq’atexik kakitzij tane’ kib’ le winaqil che ri jun itzel yab’il ri’ chi la’, eri Ministerio rech Kupatanij Utzwachil le Winaq ri’ xuya’ ub’ixik k’ut eri pa taq le q’ij 31 rech octubre, pa le nab’e xuquje’ ukab’ q’ij rech noviembre, tz’apital ri’ uwi taq kaminaqib’ ri’ rech maj jun winaq ke’opan chi la’ k’ut.
Are wa’ katajin unimaxik ri utaqanik ri Ministerio rech Gobernación pa le upatanil ri Wokajil Ajchajil Tinamit le xutaq loq kanimaxik k’o pa le Plan rech Seguridad 63 – 2020, rech Ya’om kachajixik ri winaqil che ri ke’opan pa Uwi kimuqib’al le Kaminaqib’ ri’.
Pa le upatanixik we jun cholchak ri’ k’o k’i b’anoj taq tzukunem xuquje’ uwa’katexik b’anoj ya’olchajinik ri’, chi naqaj ri’ xuquje’ pa uwi kimuqib’al ri kaminaqib’ rech pa we amaq’ ri’, kumal reqa’lenel taq ri comisarías, kuk’ ri e k’o pa reserva xuquje’ le unidades especializadas, e are k’ut kechajin chi ke ri winaqil pa le unimaxik le taqanotzij xtaq loq.
Xuquje’ e are jun kechain ri’ le eqa’lenelab’ rech ri Inspectoría General rech ri wokajil ajchajil tinamit ri’ e are k’ut le kechajin chi ke ri eqa’lenelab’ che ri kechajin pa taq le q’ij ri’.