Eri Wokajil Ajchajil Tinamit (PNC) ruk’ reqa’lenel ri Coordinadora Nacional rech Uq’atexik ri k’axk’onem pa we amaq’ ri’ (CONRED) xuquje’ kuk’ ri Cuerpos rech Socorro, pa komonchak ketajin che uwoksolixik ri ropanik chi’ ri Huracán ETA, che ri tajin kub’an k’ax pa k’i taq tinamit rech Centro América ri’.
Eri jun kiqiq’ jab’ ri’ are ruk’ nim uchuq’ab’ katajin pa le océano Atlántico, ri aretaq kopan chi’ k’o jun nimalaj k’ax kub’an pa le rulewal qatinamit ri’ ruk’ taq nim jab’ kupetisaj ri’ pa we amaq’ kicha’ ri Instituto Nacional rech Sismología, Vulcanología, Meteorología xuquje’ Hidrología (INSIVUMEN) ri’.
Eri K’amal b’e rech ri PNC, José Antonio Tzuban Gómez, xutaq uwokik kuwach puq ajtob’anelab’ rech ketob’anik pa taq jalajoj k’olib’em pa we amaq’ cheri qas kak’ulmataj wi uchuq’ab’ ri k’axk’onem ri’, rech are kilik pa aninaqil we k’o k’ax kupetisaj ri’.
Eri reqa’lenel ri Comisaría 61 rech Puertos Barrios, Izabal xuya’ loq ub’ixik che chaq’ab’ iwir lunes xkiterenb’ej rilik wari’ pa le Aldea Cacao Frontera, rumal ri nima’q taq jab’ xub’an chi’ ri xub’an k’ax le Nimaja’ Cacao ri xel b’i pa ub’e ri’, rumal ri’ k’o nima’q taq k’ax xub’an pa taq le k’olib’em chi’.
Eri reqa’lenel ri PNC xkiwa’katej rilik usolixik chi’ rech xkilo jas kita’ik ri winaqil xkib’an chi’ rech kita’ik ri winaqil rech kakesaj pa le k’ax chi’.