Eri PNC tajin kuya uchuq’ab’ rech kakoj ri chakub’alil k’aqb’al pa ya’olchajinem winaqil

Eri K’amal B’e Amaq’ Iximulew pa reqele’n ri Ministerio rech Gobernación (Mingob) xutaq upatanexik ri cholchak rech k’uttijob’enik rech ukojik ri chakub’al k’aqb’alil xuquje’ ri b’anoj taqanem ruk’ chi ke ri 43 mil chi reqa’lenel ri Wokajil Ajchajil Tinamit (PNC), rech kataqixik uch’ob’ik reta’maxik kumal ri ajchajin tinamit le utzilaj ukojik ri chakub’alil ri’ kakib’ano pa jun aninaqilem ri’, jeri’ pa le kub’sib’al ya’olchajinem winaqilal pa tinamit.

Pa le b’anoj ri chak ri’ kumal ri q’atb’al Tzij rech ri Mingob ruk’ ri ajtaqanelab’ ajchajin tinamti xek’oji pa 2 rech junio ir’ pa le usolixik ri b’anoj suk’unem k’aqb’alil ri’ (maj ruk’ ub’aq’ k’aqb’alil) ri xb’an kumal ri jun puq rech 157 chi e ajchajil tinamit rech ri Distrito Central ri’. Eri tijonik chi ke are xya kumal rajtijonelab’ ri Subdirección General rech Análisis rech Información Antinarcótica (SGAIA), pa le Nimatijob’al rech ri PNC che ri k’o pa le zona 6 rech uk’u’x nimatinamit Iximulew.

Ri xb’antaj pa aninaqil ri’

“Eri upatanib’al ri xkib’an iwir ri reqa’enel ri PNC are rech pa aniaqil xkiq’atij jun b’anoj k’aqanik kumal ri keb’ e ajb’anol k’ax kamisanelab’ pa zona 1 rech uk’u’x nimatinamit, are la’ rumal kich’ob’om rech ketaqanik kakikoj ri k’aqb’al ri’ pa qatinamit. Rech pa junab’ ri’, kaloq’ ri’ 10 millones rajilab’al chi ub’aq’ k’aqb’alil, chewe kamik e k’o 14 mil chi eqa’lenel chajinelab’ keriqitaj pa rulewal qatinamit”, xcha’ ri Taqawokajnel rech ri Ya’olchajinem pa Amaq’ qatinamit.

Xuquje’ ri nimapatanel ri’ xub’ij che ri chalecos antibalas che reqam ukojom le jun  ajchajil tinamit ri’ are la’ xub’an upatan rech man xkam taj are chi’ xk’aq kumal nik’aj e ajb’anol k’ax ri’, are chi’ xtaqataj chi jun ub’aq’ k’aqb’al.

Rumal ri’ eri K’amal B’e Amaq’ Qatinamit xutaq ub’anik ri’ che pa jun chik uwach wuqq’ij petinaq chob’om chik rech kajachik 20 mil k’ak’ chalecos ri’, ri are taq’alb’em rech kakikoj ri pa le b’anoj taq puqchajinem ri’ xuquje’ pa le utzil chajinem winaqil pa tinamit.

Sib’alaj xetijoxik

Ruk’ ri tijonik xban chi ke ri ajchajil tinamit xya kachuq’ab’ rech kub’sib’al k’u’x kakilo kakiq’atij wexa’ k’o ri k’ax kak’ulmatajik. Xuquje’ ruk’ taq ri eta’manik xkik’amo are kakikojo rech kakik’asuj kib’ rech qas kakich’ob’ b’a’ jas ri kakib’ano we are chi’ k’o ri kak’ulmatajik.

Eri xb’antaj wari’ are la’ jun uwach ri k’o pa le Cholchak Tijonem xuquje’ nim loq’oj uwach ri b’anoj Ub’eyal ri Transformación Policial ir’ che ri tajin ub’anik pa le PNC rech are katob’anik pa le kub’isanik ub’anik ri kub’sib’al ya’olchajinem winaqil e aj iximulew ri’.

Noticias Recientes