Eri reqa’lenel ri Subdirección General rech Q’atenik k’ax (SGPD) rech ri Wokajil Ajchajil Tinamit (PNC) pa le ya’olchajinem chi ke ri winaqil xkiriq k’ax rumal ri nima kaqiq’ jab’ Iota, k’a pa nimaq’ab’ ri’, sib’alaj xetob’anik che ub’anik kichak pa taq le tinamit rech Chiquimula ri’.
E k’o k’u k’i chi reqa’lenel ri SGPD, pa komonchak kuk’ ri ajchajil tinamit rech ri Comisaría 23, xkimaj uwach ri nimab’e chi la’ pa le kilómetro 183, pa rulewal tinamit rech San José La Arada, Chiquimula ri’.
Aretaq xtza loq ri juyub’ rumal ri nimajab’ kaqiq’ jab’ IOTA ri’, eri ajchajinelab’ ri’ ruk’ taq chakub’al, pak’b’al xuquje’ chuyub’al xkikoj ri’ rech xkesaj ri xaq’a’l, ab’aj xuquje’ uq’ab’ che’ chi’, rech xekowin k’ut che ujamik uwach ri nimab’e chi’, rech xek’ow e k’i taq ch’ich’ che ri xeq’atataj chi’.