Are wa’ uwach le chomanem tzij xb’antaj kumal reqa’lenel ajchajil tinamit che ri e jipim pa taq le nimab’e pa we amaq’ ri’ are wa’ xkiya’o ub’ixik ri q’atb’altzij che xjaqataj uwach taq ri nimab’e rech jaqatil chik rech ke’ok’ow ri ch’ich’ pa le nimab’e Interamericana pa rulewal tinamit rech Patzicía, Chimaltenang, jun chi ke ri nimab’e xtz’apix kisaqarik kumal nik’aj ex militares che ri kitz’apim kib’e ri winaq rech ke’ok’ow ta chik ri’.
Xuquje’ xjaq uwach taq ri nimab’e pa le kilómetro 117, Las Trampas, Tz’oloja’ ri’ chi k’u ri’ eri winaqil k’o kakich’ojik keraqataj na chi la’ pa le nimab’e ri’ rech keye’m kechomaxik rumal ri’ Congreso rech ri Amaq’il ri’.
Xuquje’ pa le Kilómetros 148 pa nimab’e che ri kab’e Zacapa pa Chiquimula chi la’ pa le Aldea la Fragua Zacapa, xuquje’ eri reqa’lenel ajchajil tinamit xkijaq ri nimab’e che ri kab’e pa le rulewal tinamit rech Petén ri’ are xkichomaj kuk’ ri ajch’ojinelab’ xuquje’ ri PNC, rech kijaq ri nimab’e rech ke’ok’ow ri winaq chi’.
Pa le chomanem xkib’an ri ajchajil tinamit kuk’ ri e ajch’ojil ri’ xb’antaj kowinem xjaqataj ri nimab’e chi’ pa le kilómetro 181 nimab’e kab’e pa las Verapaces, chi la’ k’ut eri e achajinelab’ pa amaq’el xek’oji chi’ che ri ya’olchajinem.
Ronojel wa’ ri k’olib’al ri’ xejamataj ri’ raq’anib’al q’ij ri’ pa Cuatro Caminos, kilómetros 178 ri k’o wi ri q’a’m Castillo Armas pa Retalhuleu xuquje’ pa el Boquerón pa Santa Rosa ri’.