Eri Departamento rech Tránsito ri’ rech ri Wokajil Ajchajil Tinamit (PNC), xumaj ub’anik ri campaña Motorista Segura pa Villa Nueva, Iximulew ri’, rech taqim katijoxik ri k’a te nab’e mul kakesaj kiwujilal tipo M, rech kakib’inisaj kejach’ich’ ri’.
Eri nab’e tijonik ri’ are la’ xya’taj pa k’isqb’al wuqq’ij ri’, rech 23 xuquje’ 24 rech julio, chi ke e 300 chi winaqilal pa le salón número 35 rech ri mercado Concepción, zona 4 rech pa tinamit ri’, xcha’ ri ri jun rajtzijolinel ri wokajil ajchajil tinamit.
Eri cholchak ri’ are la’ utaqim rech kutzijoj chi ke ri e ajb’inisal kejach’ich’ chi rij ri utz wa’katem che ri rajwaxik kakib’an pa taq nimab’e are chi’ kakib’inisaj ri kejach’ich’ ri’. xuquje’ rech kq’atexik ri riqoj k’ax kumal pa taq nimab’e xuquje’ rech rajwaxik kakinimaj ri Taqanem rech Tránsito ri k’o pa uq’ij pa tinamit ri’.
Ri wujilal rajwaxik
Eri ixoqib’ kakaj kakesaj kiwujilal ri’ pa le cholchak Motorista Segura, rajwaxik kakinimaj b’a’ uwach wari’:
Paso 1: Pa le utz’ib’axik kib’ are rajwaxik kakinojisaj ri wujil che ri ya’tal uwach pa redes sociales kumal ri Departamento rech Tránsito rech PNC ruk’ ri Q’atb’al tzij pa Tinamit.
Paso 2: Rajwaxik kek’oji pa k’uttijonem xuquje’ rajwaxik kakich’ako uwach ri kaketa’maj. Rumal ri’ are rajwaxik kareqaj jun ajb’inisal kejach’ich’ ri’, ri tob’al kijolom xuquje’ kchaleko ruk’ rajilab’al ri placa rech ri ch’ich’ tz’ib’ataj chi kij.
Paso 3: Rajwaxik kakeye’j kib’i’ e ajtijoxel kachalojisax ri’ rech kakilo we xech’ikanik, are la’ kaya’ utzijolil pa le redes sociales rech ri Departamento rech Tránsito rech PNC.
Paso 4: Eri winaqil che kakich’ak ri wujilal k’o jun ik’ kakaye’j na, rech te k’u ri’ kakesaj ri kiwuj licencia tipo M. Xuquje’ rajwaxik kil rumal ajkun we utz kib’oq’owach keka’yik, are la’ pa taq ri clínicas kojom ri’, xuquje’ we e k’o pa le kijunab’ rech kaya ri kiwujil ri’.