Eri kichakub’al rech kakito’o kib’ ri reqa’lenelab’ ri División rech ri Fuerzas Especiales rech Seguridad (DIFEP) che ri kakikojo rech kakito’o kib’ ri’ are ri tob’al kijolom, ri tob’al uwakik’u’x, ri tob’al uwi’kich’ek, ri keb’ tob’al rech pa kimop xuquje’ k’o keb’ chik tob’al uwi’kich’ek rech man kakisaq ta kib’ chi la’ ri’, aretaq keb’e che pa kiq’atexik winaq kech’ojinik, jeri’ chi ke winaq k’o kakich’ojij ri k’o k’ax kakib’an ri’, jeri’ ub’ixik ucholaj xub’ij ri Taqanel rech ri DIFEP, Sub Comisario Esvin Gaspar Jacinto Quiché ri’.
Xuquje’ k’o kichokonsab’al rech man kesokon chi ke winaq ri’, rumal ri’ k’o ri ub’aq’ k’aqb’al rech kutzaq paqonil, ATL, k’o poq’sab’al rech sib’ xuquje’ k’o rech kakiq’atij winaq b’aston ri’.
Aretaq xtaq utzijol we keqam k’aqb’al ri’ chi rij wari’ ri are xub’ij man k’ot k’aqb’al keqam ri’, eri Sub Comisario xub’ij eri reqa’lenel ri DIFEP xetijox ri’ rech keta’m jas le kiq’atexik ri winaq e ajch’ojinel ri’, jeri’ pa taq nimab’e, eri chomanem q’atam tzij kub’ij man k’ot k’aqb’al kakeqaj tane’ ri’.
Eri uj uj k’o ri’ che uq’atexik ch’oj b’anoj k’ax kumal ri winaqil ri’ k’a kemulub’ ri’, maj jun eqa’lenel b’a’ kareqaj k’aqb’al ri’ pa le kiq’atexik winaq che ri pa puqil kakib’an ch’ojinik ri’, rech man k’ot jun kisakow kech ri’, xcha’.
“Ri uj kaqatijoj qib’ ruk’ ronojel qanima’, pa kajk’al lajuj (90) q’ij ri’ rech kakitijoj ri qeqa’lenelab’ xuquje’ rech kakib’ij chi ke xaq k’a te’et ri’ k’o kak’ulmatajik, k’o k’ax xaq te’et kak’ulmataj ri’ xuquje’ eri winaq ri’ xaq k’a te’et kakib’an tane’ k’ax chaqe ri’ xuquje’ k’o qeta’mab’alil rech kaqilo jas le kiq’atexik kab’an uj rech kamulub’ ri b’anoj k’ax ch’ojinik kumal ri’”.