Eri q’atb’al tzij e k’o che ya’el uchuq’ab’ ri ya’olchajinem pa taq k’ulb’a’t juyub’ pa amaq’ilal ri’

Rumal ri’ utaqanib’al ri K’amal b’e Amaq’ Alejandro Giammattei ri’ xwok uwach upatanaxik ri Plan Operativo Táctico Integral rech  Seguridad Fronteriza chi uxo’l ri qatinamit Iximulew ruk’ ri nimatinamit El Salvador xuquje’ ruk’ ri nimatinamit Honduras ri’, rech taqim kaq’atexik ri pandilleros ri’, ri awan jastaq kunb’alil xuquje’ rech k’o chajinem chi ke ri e wa’katel winaq ri’ rumal ri Awas Q’’ij kepe pa qatinamit Iximulew ri’, xcha’ ri ministro rech Gobernación, David Napoleón Barrientos pa jun nimachomanem tzij pa tzijolinem ri’ pa le Nimrachoch Amaq’il k’o pa Nimatinamit ri’.

 “Pa ronojel taq k’olib’em, pa aduanas xuquje’ awam b’e q’axeb’al keriqitaj ri’ ri ajchajinelab’ rech uq’atexik ri awan kunb’alil xuquje’ ruk’ winaq pa awalik keq’axex b’i chi’ kumal e ajb’anol k’ax ri’, rech kek’oji pa chajinem chi ek ri winaqil e wa’katelab’ kepe loq pa qatinamit pa le Awas Q’ij ri’, rumal ri’ k’o juk’al rajilab’al chi k’olib’al chajinem pa qatinamit ri’, are la’ rech kuya’ pa retal rech kechapataj loq nik’aj pandilleros salvadoreños xuquje’ rech ke’ilik ri winaq e ajq’axel pa qatinamit ri’”, xcha’ ri taqawokajnel rech ri ya’olchajinem ri’.

Xub’ij che e k’o 500 chi reqa’lenel e ajchajil tinamit ri’ kuk’ ri wokajil Ajchajil Amaq’ Iximulew che ri ketatab’en pa le Cholchak Ya’olchajinem ri’ ruk’ xik’ach’ich’ pa le k’ulb’a’t juyub’ ruk’ El Salvador xuquje’ Honduras ri’, rech uq’atexik ri pandillas che ri xa’ pa awalik kakaj ke’ok pa qatinamit are xok kaq’atexik kichapik kumal ri q’atb’al tzij salvadoreñas ri’.
Eri Barrientos Girón xub’ij che rumal ri’ xoksax ri ub’e’al patanem ya’olchajinem pa taq le nimab’e kab’e pa le aduana Pedro de Alvarado, pa Valle Nuevo xuquje’ pa San Cristób’al, Jutiapa ri’, xuquje’ rech e k’i ri wokajil ajchajinelab’ pa taq le k’ulb’a’t juyub’ chi uxo’l amaq’il ri’.

 “Pa le wuqq’ij ri’ xesolixik ri tinamit winaqil che ri keriqitaj pa k’ulb’a’t juyub’ amaq’il ri’ rech pa kub’sib’al k’u’x ki’kotem kek’oji chi’ ri winaqil xuquje’ rech kilik qas pa nab’e ri’ che qastzij chi’ keriqitaj wi ri e ajchajil tinamit xuquje’ e ajchajil amaq’, ri e taqom kumal ri K’amal b’e Amaq’ Giammattei pa amaq’el chi’”, xcha’.

Xub’ij ri’ che we q’ij kamik kaya’taj utzijol ri’ k’o chik jun pandillero salvadoreño chapom chik xk’am b’i pa Migración xuquje’ kuk’ e 12 chi winaqil ri’, pa jun q’atenik xb’antaj chi ke ri pandillas che ri kakitij kichuq’ab’ ke’ok pa we amaq’ qatinamit ri’.

Ultimas noticias

Alerta de Corrupción