Eri q’atb’al tzij Iximulew xuquje’ México xkimol kib’ rech xechoman chi kuwach pa San Marcos ri’

Eri taqanelab’ rech ri Distrito Cuatro Occidente rech ri Wokajil Ajchajil Tinamit (PNC), Pablo Rodríguez, ri Viceministro rech Relaciones Exteriores, Willy Castillo xuque’ ri Subjefe del Estado Mayor, Ardany Bautista, xemolin pa jun riqb’alil ruk’ ri Cónsul Mexicano, José Alvarado, ri Taqanel rech ri Marina Mexicana, Alfonso Reyes xuquje’ ri Director rech Oficinas, Héctor Lorenzo ri’.

Eri riqb’al ib’ chomanem xb’antaj pa le 21 rech octubre ri’ pa le q’a’mb’e Rodolfo Robles, Ayutla, San Marcos ri’, chi la’ k’ut eri q’atb’al tzij rech keb’ nimatinamit xkichomaj uq’atik pa jikomal ri kiq’axenik ri winaqil pa qatinamit, rech kechomax ri winaqil e ajq’axel b’i pa Amaq’, ri b’anoj ya’olchajinem kub’sib’al k’u’x ruk’ unimaxik wi ri ch’o’jil ya’talil winaqil xuquje’ ri taqanem tzij pa taq tinamit che ri keq’atoj ri’.

Pa le b’anoj ri chakunem ri’, eri Wokom Taqawokaj Iximulew ri’ xunimaj b’a’ ri xtaq ub’anik rumal ri K’amal b’e Amaq’il Alejandro Giammattei ri’ rech xkowirsax ri chajin k’ulb’a’t juyub’ ri’ pa komon b’anj kumal ri taqawokajilal rech ri Ministerio rech Gobernación (Mingob), ri Ministerio rech ri Defensa Nacional (Mindef) ri’ xuquje’ ri Instituto Guatemalteco rech Migración (IGM) ri’.

Rumal ri’ eri wokajil ajchajil tinamit ri’ xkikoj jun ub’e’alil ri julajuj uwach uk’olib’al chajinem pa taqawokajilal pa taq k’ulb’a’t juyub’ ri’ xuquje’ pa taq nimab’e rech pa we qatinamit. Are wa’ tjain ub’anik rech kaq’atexik ri molaj b’anol k’ax che ri kakib’an k’ax ch’ijom chak chi ke winaqib’ ri’.

Noticias Recientes