Eri cholchak rech ukojik tijob’al kiwa pa taq kik’olib’alil ri Wokajil Ajchajil Tinamit (PNC) are katob’an pa le patanexik ri Ub’e’al ri Loq’axik Kuwach pa le Transformación Policial ri’, che ri taqjin upatanexik rumal ri K’amal B’e Iximulew pa le reqele’n ri Ministerio rech Gobernación (Mingob). Pa taq uk’olib’al kchak ri ajchajinelab’ ri’ chi la’ k’ut kaya wi oxmul kiwa maj ktojom taj pa le b’anoj chajinem chi ke ri winaqilal e aj iximulew.
Eri wa are ya’tal chi ke ri e ajchajinelab’ ri’ are la’ b’anom kumal e ajno’jchak b’anol taq wa ri’ ri saq ub’anik kumal. Eri rachoch tijob’al taq wa ri’ are la’ yakom ri rachoch ruk’ juntir uchokonsab’al ri’ rech kiya wi kiwa rech saqarib’al, rech kanik’ajir q’ij xuquje’ rech chaq’ab’.
Rumal ri’ eri ajchajinel Juan Carlos López rech ri Subdirección General rech Análisis rech Información Antinarcótica (SGAIA) rech ri PNC, xub’ij eri xkoj ri kiwa tijob’al kiwa pa taq kik’olib’al e ajchajil tinamit ri’, are la’ rech k’ot chik Q1 mil 200 chi pwaqil kakitoj ta chik chi ik’ ri’, are la’ jun nim tob’anik kab’an chi ke ri’.
Jalan uwach kiwa
Eri ub’anik ri kiwa ri’ are la’ jalan ub’anik rech utz ri kakitijo ri’, rech kuya kichuq’ab’ xuquje’ rech man k’ot chik rajil kiwa kakitoj tane’ chik. “Eri kiwa are kajach chi ke pa taq tijob’al kiwa are chi ik’ ub’anik ri’ pa komonchak ruk’ ri ajno’jchak b’anol rech pa le Subdirección General rech Salud Policial (SGSP)”, xcha’ ri ri nutricionista rech ri b’anob’al kiwa pa le wokaj chajin tinamit.
Rumal ri’, eri rajawtzij rech ri rachoch tijob’al kiwa k’o pa le rachoch ri SGAIA, xub’ij ch eri e ajb’anol rech sib’alaj xkitijoj kib’ rech kakib’an pa ronojel taq q’ij ri’ le 1 mil 600 rajilab’al kiwa ri e ajchajil tinamit, ri b’anom ruk’ taq ki’ utz ch’ajch’oj jastaq ri’. “Are pa keb’ ujachik xb’an ri’, eri ajchajinel keriqitaj pa le sede central rajwaxik e are ke’ok’ow che uk’amik ri kiwa rech saqarik, rech panik’aj q’ij, ri rech okib’al aq’ab’ chi la’ k’ut. Xuquje’ kapis b’i ri kiwa nik’aj chik rech kataq b’i kajach chi ke pa taq ri jalajoj delegaciones antinarcóticas ri’”, xcha’.
Ri k’ak’ rachoch tijob’al kiwa
Are taqim k’ut uterenb’ej uloq’axik uwach kichak ri ajchajil tinamit ri’, rumal ri’ eri q’atb’al Tzij rech ri Taqawokajnem rech ri Ya’olchajinem pa Amaq’il tajin ub’anik ri’ ukojik ri tijob’al kiwa pa le Dirección General rech ri PNC xuquje’ pa taq ri Comisarías 12 xuquje’ 14, rech are chi’ keriqitaj pa chajinem ri ajchajinelab’ k’o ri kiwa ya’tal ri’.