Pa le uq’ijol xutz’aqatisaj 183 ujunab’ ri Ministerio rech Gobernación ri’, xesik’ix ri q’atb’al tzij, ri tob’anelab’ xuquje’ ri kuk’ nik’aj chik winaqil ri’, pa jun acto cívico, xkib’oj ri’ ri Ub’ix Amaq’ Iximulew ri’, pa le rokib’al ri Taqawokajnem rech ri Ya’olchajinem ri’, xkik’am uq’ijol ri uchak patan ri ya’olchajinem xuquje’ ri taqanik pa amaq’ ri’, jeri’ xkiloq’oq’ej kuwach ri jujun taq e ajchak ri’.
Eri ministro rech Gobernación, Davis Napoleón Barrientos ri’, xub’ij che are jun retalil nim upatanib’al ri’ rok’owisaxik ri 183 unimaq’ij rech xk’utun ri’, “Xb’antaj uya’ik pa ucholalejil ri xetata’ben wi ri ri xkipatanij ri’, ri ya’olchajinem pa tinamit ri’. Pa le ya’olchajinik ri’, xloq’oq’exik kichak ri 50 mil e ajchak che ri kechakun pa le Mingob ri’”.
Jeri’ xekoj ri pines cho taq kik’u’x ri e ajchak che ri naj chik ketajin che patan pa le Ministerio rech Gobernación ri’, xloq’oq’ex kuwach chi jujunal ri chak kib’anom pa le taqawokajnem ri’.
Eri taqawokajil ri’ are xk’utun loq pa le 26 rech abril rech 1839 ri’ pa le Utaqanik ri Marinao Rivera Paz, pa ub’i’ ri’ “Ministerio rech Gobernación, Guerra, Justicia xuquje’ Negocios Eclesiásticos”, ri k’o jun rajtaqanel rech sección ri’, oxib’ rajtz’ib’anelab’, jun kolol wuj ri’, keb’ e raj’ik ruk’ jun chajil ruchi’ ja ri’.