Pa le ukab’ b’anoj riqb’alil chomanem pa le Casa Parroquial rech La Nueva Santa Catarina Ixtahuacán, Tz’oloja’ ri’, k’amom ub’e’al ri chomanem ri’ rumal ri K’amal b’e Amaq’, Dr. Alejandro Giammattei, achb’ilam rumal ri Ministro rech Gobernación, Gendri Reyes, ri Viceministro rech Seguridad, Carlos Franco Urzúa, ri Taqawokajil rech ri Defensa, Henry Reyes Chigua xuquje’ ri Ajkalte’ib’ rech Nahualá xuquje’ Santa Catarina Ixtahuacán ri’, ri xchomataj pa le wujilal acta 04-2022, rech kab’an rilik uq’atik uwach ri k’ulb’a’t chi kuxo’l ri keb’ tinamit e k’o pa ch’ojinem ri’.
Eri k’amal b’e amaq’ xub’ij eri utaqim ri b’anoj chomanem ri’ are rech kek’oji pa joremal ri winaqil chi’ xuquje’ rech pa komon kakichakun ri utzilem winaqil ri’.
“Ruk’ ronojel qanima’ kaqachomaj ri k’ax ri’, qastzij b’a’ kinb’ij che ri b’anoj ch’ob’onem xaqab’an qonojel are rech kaqaj kajk’oji pa joremal ri’ xuquje’ kaqakoj juntir qachuq’ab’ che ub’anik wari’”.
Xuquje’ eri K’amal b’e Amaq’ xub’ij che xch’ob’ k’ut k’o 826.23 caballerías kapajanik uwach ri juyub’ ri’ xuquje’ qaraj k’o 64 chi manzanas che ri rajwaxik kab’an upajik, “Te k’u ri’ rech kape chik ri joremal chi kuxo’l ri winaqil ri’, rajwaxik b’a’ kakinimaj ri k’ulb’a’t chi kuxo’l”.
Eri Ajkalte’ib’ rech Nahualá, Manuel Guarchal Tzep xuquje’ ri rech Santa Catarina Ixtahuacán, Pascual Tambriz ri’, sib’alaj xkimaltyoxij chi ke ri q’atb’al tzij rech ri taqawokaj pa amaq’il rumal keriqitaj chi’ che uchomaxik uwach ri jun k’axk’olil ri k’o chik 200 chi junab’ katajin ri’, ri maj jun winaq xraj xuchomaj tane’ uwach ri’.
Pa le b’anoj chomanem ri’ are jun xchomanik ri Comisión Presidencial rech ri Ch’uch’ulem Joremal xuquje’ rech ri Derechos Humanos (COPADEH) xuquje’ ri Registro rech Información Catastral (RIC) ri’ ri xkib’ij che are la’ kumaj keb’ ik’ rech kachomax uq’atik ri k’ulb’a’t chi kuwach ri keb’ tinamit ri’.
Pa le riqb’al chomanem ri’ e are jun xek’oji rajchomanelab’ ri Nueva Santa Catarina Ixtahuacán, Xalbacil, ri Caserío Chajuap, ri Pasacuach, ri Tzamjuyub’ xuquje’ ri Aldea Chiquisis ri’.
Eri rech Aj Nahuala xetatab’enik: ri Pachutiquim, ri Tzamjuyup, ri Pacaman, ri Chajuap, xuquje’ ri Chiquic ri’.
Eri jun chik nimriqb’al ib’ ri are ri uro’ riqb’al ib’ ri’ e are jun ketatab’en ri’ ri q’atb’al tzij rech Gobernación ri’.