E k’o 180 chi pandilleros xechapatajik rumal xkib’an toq’inik pwaq chi ke winaq ri’, e k’o kajib’ molaj b’anol k’ax xeq’atexik pa le kajib’ Korlim Ya’olchajinik ri’, rumal ri’ eri Taqawokaj rech Iximulew ri’ ketajin che ya’el uchuq’ab’ kaq’atexik ri nik’aj maras ri’ jacha’ ri xkib’ij ri q’atb’altzij rech ri Wokajil Jachakunb’al rech Q’atel Pandillas (DIPANDA), rech ri Wokajil Ajchajil Tinamit ri’, “xaq xu’ wiri’ kakitoq’ij pwaq chi ke winaq ri’, eri kakaj ri are eri pwaq are rech k’o kipwaq kimeb’il ri taqanel ch ke ri’”.
Eri nik’aj pandilleros rech ri Mara Salvatrucha, rech ri Barrio 18 kuk’ nik’aj chik, eri kakaj ri e are eri pwaq meb’ilem, are kaqaj pwaq pa kiq’ab’, are toq’inik pwaq chi ke ri winaqil ri’ jacha’ ri e ajchoq’e ch’ich’ kakik’am b’i winaq pa tinamit xuquje’ ri e ajk’ayinelab’ ri’.
Eri pwaqil are ri’ le qas katerenb’em ri taqanel kech pandillas, rumal k’ut ruk’ wari’ sib’alaj kakiloq’ utz taq jastaq pa taq le nimk’ayib’alil, xuquje’ are rech chi ke ri kachalal e k’o pa taq nima k’olib’al ja paqil rajil ri’”, xcha’ ri ri García* taqanel rech DIPANDA.
Xuquje’ rumal ri’ k’o jun nim sik’inem xikib’an chi ke ri winaq pa tinamit rech chakib’ij b’a’ loq katzijol nik’aj e b’anol k’ax, rumal ri’ k’o 84% kumal ajtoq’il pwaq are kumal e ajesal kachib’al b’anol k’ax, eri 16% chik are kumal pandilleros rech ri mara 18 xuquje’ MS.
Chi ke konojel ri e chapom loq, eri 60% are kumal ixoqib’ xuquje’ eri 40% chik are kumal alab’om xuquje’ kumal e ri’j winaq ri’. Eri q’atb’altzij rech DIPANDA, “eri ixoqib’ xuquje’ ri q’apojil e are k’ut ri qas kejo’saxik kumal ri taqanel rech pandillas ri’”, xcha’ ri García*
Eri molaj b’anol k’ax che ri qas xeq’atataj pa Villa Nueva, pa Amatitlán xuquje’ pa Mixco, are ri Mara Salvatrucha xuquje’ ri Barrio 18, chi’ k’u ri’ e are jun ri pandilleros salvadoreños ri’.
Xuquje’ k’o jo’ob’ k’aqb’alil xraqataj ri’ che ri are kojom che ub’anik k’ax chi ke ri winaqil ri’. Eri b’anol k’ax ri’ are xechapataj loq pa Enero pa we q’ij kamik ri’, xcha’ ri taqanel rech ri Wokajilal ri’.