Eri q’atb’altzij rech Gobernación xakisolij ri chak rech ri PNC pa le Parque la Industria ri’

139

 

Eri viceministro rech Seguridad rech ri Ministerio rech Gobernación Luis Enrique Arévalo, ruk’ ri K’amal b’e rech ri Wokajil Ajchajil Tinamit (PNC), Carlos Robertos Tohom chaq’ab’ iwir xe’opan che usolixik ri ya’olchajinik ketajin che ub’anik ri e ajchajil tinamit pa le parque rech La Industria, chi’ k’u ri’ eri Tribunal Supremo Electoral kikolom wi ri wujilal rech Cha’onem pa Amaq’ 2019 ri’.

Chi’ k’o tzukunik pa taq ch’ich’ xkib’ano che ri kakiq’axaj ri wujilal pa taq uk’olib’al cha’onem pa taq tinamit ri ke’achb’ilaxik kumal Wokajil Ajchajil Tinamit chi rij kejch’ich’ xuquje’ radiopatrullas ri’.

Eri Wokajil Ajchajil Tinamit ri’ konojel k’ut rajchak e ukojom pa le ya’olchajinem pa taq le uq’ijol cha’onem ri’.

Xuquje’ pa Chiquimula eri eqa’lenel rech PNC k’o chajinem xkib’an chi ke oxib’ chi ch’ich’ ri kik’amom b’i eqa’n rech wujilal rech kakoj pa cha’onik chi’.

Eri ch’ich’ rech eqa’nib’al e are ri’ e chajim kumal taq ajchajil tinamit rech keb’e pa taq uk’olib’alil b’anoj cha’onem pa taq tinamit, jeri’ chajinem kakib’an pa taq uk’olib’alil b’anoj cha’onem ri’.

Eri q’atb’altzij rech ri TSE xuya’ utzijol che k’o ri’ 2,900 chi uk’olib’alil b’anoj cha’onem ya’talil rech ke’opan chi’ ri e aj iximulew rech kakicha’o ri k’ak’ taq q’atb’altzij ri’.